Paardenbaaistraat, Oranjestad – Dialuna den oranan di madruga presencia di polis ta wordo pidi na e oficina di Boogaard Assurantien den Paardenbaaistraat, pa un caso di kiebro y ladronicia.
Na yegada e patruya ta topa cu un patrol di e compania di seguridad na e sitio y e guardia di seguridad ta splica polis, cu na momento cu e tabata yegando ela mira un persona flaco, halto y color scur sali for di e oficina cu un flatscreen den su man, ela pone esaki pafo di e edificio, pero ora e la mira e patrol di e compania di seguridad yega ela laga e flatscreen atras y a core bay direccion nort.
Esaki no ta prome biaha cu e oficina di Boogaard Assurantien ta victima di ladronicia, dos siman pasa caba ladronnan a drenta horta un flatscreen caba pero e biaha aki si nan a faya. Polis a tuma vingerprint y ta di spera cu pronto ela por keda deteni.