Home » Concepto di self service consession di The Cinemas ta pa tin menos fila

Concepto di self service consession di The Cinemas ta pa tin menos fila

by sxm
0 comment 120 views

ORANJESTAD, Aruba: The Cinemas a introduci un self service concession. E self service station ta un concepto cu a wordo introduci na Merca y na Hulanda caba. Lo mas principal di e self service concession ta cu e lo elimina fila largo.

 

Sales & Marketing Coordinator, Devin de Veer a splica cu e self service concession ta pa e servicio por bay mas lihe. E self service concession ta un concepto cu e personal di The Cinemas mester a adapta na dje, y sin laga afo nos cliente nan lo mester adapta na e servicio nobo. Cu yudansa di nos team di The Cinemas cu tey pa splica y ofrece guia na nos clientenan, nos ta sigur cu nos cliente lo por disfruta di un servicio mas lihe y miho. Devin de Veer ta sigui splica cu e concepto aki tambe lo elimina cu e cliente nan ta sinti un presion cu nan lo mester pura pa motibo cu tin mas hende nan tras.

 

E self service concession na The Cinemas ta pa elimina e fila, asina Ian Harms, Operation Manager di The Cinemas a expresa. Den pasado nan a mira cu na momento nan cu tabata druk, hendenan tabata para hopi den e fila. E concepto nobo aki ta yuda facilita e servicio pa e cliente nan .

E self service concession ta permiti pa nos clientenan por scoge e items cu The Cinemas tin di ofrece, di nan gusto. E clientenan por yega na e stationnan y por haya acceso facil na loke nan mester y no ta para den rij mas.

Tur esaki ta pone cu e clientenan ta disfruta mas di e pelicula na luga di para hopi den e fila.

 

Por ultimo, Devin de Veer a comparti cu e self service concession ta habri pa tur nos cliente nan, pa asina nan bin disfruta di nos servicio nobo, specialmente riba un diaranson caminda cu por gosa tambe di e special di 5 florin.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio