Home » Brazil Taekwondo Stichting a sali Best Team na e di 8 Aruba Caribbean Cargo Taekwondo Cup. 

Brazil Taekwondo Stichting a sali Best Team na e di 8 Aruba Caribbean Cargo Taekwondo Cup. 

by sxm
0 comment 83 views
Diasabra a tuma luga e di 8 Aruba Caribbean Cargo Taekwondo Cup organisa pa Brazil Taekwondo Stichting cu participacion di 5 scol 
di Taekwondo y tur scol a entrega su lista di 7 pa asina nan por a bringa pa e Best Team Cup. Brazil Taekwondo Stichting su team a 
consisti di e siguiente atletanan: Danon Delamore, Joshua Klabér, Záhyon Klabér, Hakeem Lowe, Nathan Fradl, Lixandra Bello y Rasheed Lowe.
 
Jourdé Klabér a coach e team di Train Hard Fight Smart y e bataya tabata duro pa e team, mirando cu ta solamente e 7 atletanan aki a wordo 
escogi pa bringa pa e Best Team y tur e scolnan a bin bon prepara y hopi fuerte. Danon Delamore a lucha e biaha aki y a gana Christopher Geerman. 
Joshua Klabér a gana Arien de Mei. Záhyon Klabér a gana Eiber Torrez. Hakeem Lowe a challenge Angelo Rodriguez y a logra empata su pelea te cu 
e mester a bay bringa den sudden death y Angelo Rodriguez a claba Hakeem Lowe cu un tolleo lagando Hakeem Lowe den veld. Nathan Fradl a topa 
cu Shawn Richardson y Nathan Fradl a bay te cu sudden death, pero Shawn Richardson a logra score prome, lagando Nathan Fradl cu e gana di gana. 
Lixandra Bello a gana Daniel Bolonotto. Rasheed Lowe a gana Nassip Bislip y Brazil Taekwondo Stichting a gana e copa di Best Team.
 
Un pabien ta bay pa Jourdé Klabér cu a haci un bon trabou di coach e team di Train Hard Fight Smart, logrando e Best Team Cup.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio