Home Police Polis ta detene dos conocido di polis pa motibo di menasa, hit...

Polis ta detene dos conocido di polis pa motibo di menasa, hit and run y pa wordo haya cu droga den nan poder

SHARE

Seroe Patrishi: Diadomingo algo pasa di 1’or y mey di merdia, un patruya di polis ta bay na un adres na Seroe Patrishi  pa atende cu un caso serio di menasa di morto.

Na yegada polis ta papia cu un habitante di e cas y e ta splica polis cu un Tercel Blanco, numera A 70846, modelo 1997 full getint, cu tapa di wheel shinishi,  a para dilanti di su cas y un homber a baha for di e auto y a puntra pa un tal Juloy y e habitante a bis’e cu Juloy no ta biba na e cas aki, e homber a bira razo y a bis’e cu pa bisa Juloy, cu elo bin bek cu bala pa Juloy y pa e habitante. Polis a tuma datos y a splica e habitante e caminda pa cana.

Un rato despues ta drenta un informe cu e Tercel Blanco aki ta coriendo hopi irresponsabel den e area di Meiveld, Rooi Afo, e auto a bay direccion di Paradera y lo ta bayendo direccion di Santa Cruz. Mesora a pidi pa tur patruya riba caya bay direccion di paradera y vecindario pa nan purba topa cu e auto y par’e di biaha.

Tambe a drenta un informacion cu e auto aki den oranan di mainta, tabata envolvi den un caso di hit and run dilanti Wintergarden, na Savaneta. Aparentemente ela reverse dal un auto y a sigui core, mas informacion a sigui drenta cu ta trata di e conocido di polis Dede Kock cu un tal Henriquez.

Pa mas o menos 3’or di atardi e Tercel a bolbe bay pasa dilanti di e cas na Seroe Patrishi y tabata haciendo fastioso, e habitantenan a avisa polis y mesora a manda varios patruya direccion di Seroe Patrishi, patras di Flores Supermarket nan ta logra para e Tercel Blanco aki.

Den e auto polisnan a bin haya un machete, un forki di BBQ y tambe substancia parecido na droga. E auto a keda confisca, pa mas investigacion y e chauffeur y ocupante a keda deteni y transporta cu transportwagen di polis pa Warda di polis.