Home Local Un momento historico pa Aruba Fundacion Parke Nacional Arikok ta firma un...

Un momento historico pa Aruba Fundacion Parke Nacional Arikok ta firma un Memorandum of Understanding cu Universidad di Aruba

SHARE

ORANJESTAD – Recientemente Sr. Greg Peterson, Presidente di Hunta di Comisario di
Fundacion Parke Nacional Arikok (FPNA) y Sr. Juri Nicolaas, Presidente di Hunta di Comisario
di Universidad di Aruba, a firma un Memorandum of Understanding (MoU) den Hofi Shon
Shoco na Parke Nacional Arikok.

E MoU ta concretisa e relacion entre UA y FPNA. Cu e MoU aki e studiantenan lo tin e
experiencia di studia pa nan diploma, mientras cu nan ta haci investigacion y sondeo. Esaki lo
beneficia tanto e studiantenan cu e desaroyo di nan habilidadnan como e parke den nan trabou di
conservacion. E ekipo academico di UA y FPNA conhuntamente lo supervisa e studiantenan y lo
traha pa yega na un colaboracion mutuo pa haci investigacion inicial pa drecha nos medio
ambiente pa asina conserva nos naturalesa. Tambe pa yega na cooperacion den e area di
mercadeo, comunicacion, hospitalidad y maneho.
Sr. Juri Nicolaas, Presidente di Hunta di Comisario di UA, a splica:”Na UA nos ta ofrece
programa di estudio di calidad cu ta duna oportunidad na e estudiantenan local y internacional.
Tambe na e post-graduadonan pa destaca den e mundo cu nos ta biba aden. Pa ofrece
programanan di calidad, investigacion scientifico ta indespensabel. Nos meta ta pa crea un
ambiente creativo cu ta lanta curiosidad y ta aumenta exito den studio. Den un mundo
competitivo creciente nos mester traha hunto cu socionan strategico pa brinda experiencia unico
y reconoce e balor agrega cu esaki ta trece c une pa asina logra e meta di brinda e miho
experiencia educacional posibel. Ta un honor pa FPNA di por a firma e acuerdo aki cu UA y
FPNA ta premira cu e acuerdo aki lo lo sigui engrandece e relacion entre UA cu nos Parke
Nacional, cu tin e tarea grandi na Aruba pa conserva nos medio ambiente.
Sr. Juri Nicolaas ta añadi cu universidadnan ta contribui en grande na crea nacionnan, desaroyo
di humanidad y economia caminda e lasonan profesional entre universidadnan y stakeholders
rond mundo ta e esencia pa asina mundialmente enfrenta desafionan y sociedadnan di
conocemento sostenibel.

Presidente di e Hunta di Comisario di FPNA Drs. Greg Peterson ta menciona: “E compromiso
local y internacional ta fundamental pa cu e vision di FPNA como un organisacion cu ta
conserva naturalesa den siglo 21. E MoU cu nos a firma awe lo hiba nos no solamente na
esfuersonan educacional conhunto pa nos enseñansa post-graduacion, pero ta tambe un inicio
den intercambio substancial entre academia y conservacion den practica. Mi ta spera di por traha
den un partnership fructifero y exitoso cu UA.