Home Police Dos dama ariba scooter a resulta herida, despues cu auto a hit...

Dos dama ariba scooter a resulta herida, despues cu auto a hit and run contra nan

SHARE

Van Leeuwenhoekstraat – Dominicanessenstraat

Diabierna anochi den careda di 8’or polis a wordo manda cu urgencia na e crusada di Maria College na Playa.
Segun informacionnan cu polis a haye e momento ey tawata indica cu auto a dal un motociclista, caminda e dama a keda benta ariba caminda. Pues ta papia aki di un caso di hit and run.

Mes ora varios unidad di polis a cuminsa dirigi nan mes pa e sitio.

Na yegada enberdad nan ta bin topa algun persona rond di un dama drumi ariba caminda. E scooter tawata benta un banda. Ta asina cu tawata tin dos dama ariba e scooter, caminda un a haya solamente rasca y e otro lo a haya mas golpi

Na e sitio, un testigo a conta polis cu un auto color cora chikito, a subi e crusada for di pabou y asina a mishi e brommer dilanti ocasionando cu nan a cay cu e scooter.

Ambulance a presenta y a atende nan y e dama cu tawata ariba caminda a wordo transporta pa hospitaal.

Polis di trafico lo pasa den siman pa wak imagennan di video y pa di e manera eynan por saca haya mas informacion di e auto color cora chikito cu a sigui bay, manera nada un pasa.