Home International Dama ta wordo saca for di avion pa agentenan policial

Dama ta wordo saca for di avion pa agentenan policial

SHARE

Baltimore, Washington: Pasahero riba Southwest Airlines a filma na momento cu un otro pasahero a wordo saca na malmanera for di un avion, despues cu tabata tin dos cacho abordo y ela cuminsa ta keha cu e ta alergia pa cacho 

Segun e aerolinea Southwest Airlines, e pasahero a bisa e tripulante cu e tin un alergia pa cacho, cu su alergia ta hopi serio y cu por ta te hasta mortal pa su persona, esaki a pasa despues cu e pasahero a bin realisa cu tin dos cacho abordo y cu e aerolinea ta permiti cacho abordo riba e vuelo di Baltimore pa Los Angeles. 

Mesora e staff di e aerolinea a pidi’e pa e desembarca y ela nenga esaki,  no a keda e staff nada otro cu yama transport police pa asina saca e dama for di e avion. 

E filmacion ta di un otro pasahero cu tabata abordo di e avion na Baltimore Washington International Airport, ela graba esaki riba su cellular, riba e filmacion por mira dos agente policial, rancando e dama for di su stul y pushe door di e gang, mientras e dama pasahero tabata protesta.

Den e filmacion por scucha con e pasahero tabata bisa e agentenan cu e ta un maestra y tabata gritanan ” Don’t touch me” , ” what are you guys doing?” te hasta na dado momento por a tende e dama bisa; “My dad has surgery, what are you doing?”, pero e agentenan tabata bise ” Walk” , pero e tabata keda protesta.

E vocero di Southwest Airlines Chris Mainz, a splica cu na momento cu un pasahero avisa cu e tin un of otro “life-threatening pet allergy” y no por demostra un certificado medico necesario cu e por viaha sin problema. E polisa di e aerolinea ta, si acaso un pasahero ta sufri di un alergia grave y no por viaha cu animalnan abordo, e pasahero ta wordo pa pidi pa desembarca e avion.

E vocero a sigui splica, cu nan a yama polis despues cu na varios ocasion a pidi e pasahero pa desembarca e avion. Ta duelnan cu e situacion a bay asina leu cu e pasahero mester a wordo saca for di e avion door di agentenan di policial. 

E compania publicamente na diferente medionan di comunicacion a manda pidi su despensa na e cliente aki pa e experiencia amargo aki cu ela pasa aden y nan lo a keda di tuma contacto cune directamente.