Home » PA E DI TRES AÑA CONSECUTIVO: ARUBA TOURISM AUTHORITY TA INVITA COMUNICAD DI ARUBA PA E EVENTO ‘EAT LOCAL’

PA E DI TRES AÑA CONSECUTIVO: ARUBA TOURISM AUTHORITY TA INVITA COMUNICAD DI ARUBA PA E EVENTO ‘EAT LOCAL’

by sxm
0 comment 72 views

ORANJESTAD —Di 1 te cu 31 di oktober, “Eat Local Restaurant Month” lo duna bishitantenan y localnan e oportunidad di explora Aruba su rikeza culinario. E aña aki mas cu 70 restaurant local lo participa cu prijsnan reduci riba nan menu. Restaurantnan cu ya caba tin un menu local lo añadi platonan special cu enfasis riba sabor crioyo. Un cantidad di restaurant lo ofrece nan menu cu prijs fijo na prijsnan reduci di 15 dollar pa lunch y 30 pa 40 dollar pa dinner. No tin mester di coupon of voucher special. Djies pasa na un di e restaurantnan participante y come dushi na prijs economico.

 

E evento aki ta un iniciativa cultural cu ta brinda e oportunidad pa realsa nos platonan autentico y sabornan local cu ta inspira pa mas cu 90 nacionalidadnan riba nos isla.

Restaurantnan cu ya caba tin platonan local riba nan menu existente, lo añadi platonan special y asina poniendo accento riba sabornan autentico.

 

E iniciativa aki a wordo desaroya pa Aruba Tourism Authority (A.T.A.) pa demostra Aruba su diversidad culinario y duna realse na Aruba su sabornan unico y incorpora esaki den menunan di tur restaurantnan participante y su clientela local y internacional. Pa disfruta di special aki, por pasa na un di e restaurantnan participante y pidi pa bo Eat Local Special. Pa cierto restaurant si ta recomendabel pa haci reservacion. Esey por masha facil riba www.aruba.com/eatlocal of via Facebook.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio