100
STA. CRUZ — Den comunidad tin hende ta tira cos den laira, sin pensa prome. Un di nan ta e grito pa MEP y AVP forma un gobierno.
Pesey ta importante pa splica desde lo basico. Un gobierno ta wordo forma riba programa, riba vision, riba puntonan cu nan a campaña cune.
Laga nos mira algun di e puntonan principal di campaña y con AVP y MEP
MEP kier combati criminalidad, Dowers ta bisa no tin nada robes cu nos seguridad!
MEP kier sanea finanzas publico, AVP ta sigui nombra hende y sigui firma contract!
MEP kier combati corupcion, AVP ta bin cu ley pa acomoda corupcion!
MEP kier baha edad di pensioen, AVP kier hisa edad di pensioen!
Bo ta compronde awor pakiko e ta IMPOSIBEL pa MEP traha cu AVP: E programa di AVP no ta compatible cu esun di MEP!
Al menos cu AVP cambia tur su puntonan di campaña, djis pa forma gobierno cu MEP, no ta posibel pa forma un coalicion entre MEP y AVP, pasobra esey lo kiermen cu AVP a bolbe manipula y engaña su votadornan.
Esaki ta sin yega mes na e punto si bo por confia e ministernan di AVP, y si nan lo ta ministeriable si of no.
Ademas, no ta corecto pa conclui cu pueblo a pidi pa e dos partidonan grandi goberna. Esey ta un interpretacion equiboca di e resultado di eleccion. Pueblo a vota masalmente pa e cambio, 12 asiento y Pueblo a vota masalmente CONTRA continuacion di e gobierno aki, pesey e partido na mando a perde 4 asiento.
Pueblo a vota contra tradicion, pues ban duna awor espacio na e partidonan MEP POR y RED pa yega na un coalicion.