Pareha ta cay cu brommer despues cu un auto a bira nan dilanti

Boegoeroei: Diaranson algo pasa di 6’or y mey di atardi, polis y ambulance ta wordo pidi na Boeggoeri na e crusada na altura di Fermin’s Bar.

Na yegada nan ta bin compronde cu for di pazuid tabata biniendo un brommer cu un pareha riba dje y na momento cu nan a bay bira na man drech pa bay direccion pariba, un auto cu tabata biniendo di panort no a duna nan preferencia y a lora nan dilanti. E pareha riba e brommer a spanta asina hoi cu nan a cay, ambos a keda levemente herida. Mientras e auto a sigui core.

Ambulance a presenta y personal di ambulance a trata e pareha na e sitio mes.