Home Lifestyle Entre dianan 2 pa 6 di october proximo YMCA Aruba ta organisa...

Entre dianan 2 pa 6 di october proximo YMCA Aruba ta organisa su tradicional campamento durante vakantie

SHARE

ORANJESTAD, Aruba: Durante e vakantie di scol na October, YMCA Aruba ta organisa su tradicional October Camp. Na luga cu e muchanan keda cas y keda sin ta activo, YMCA Aruba ta organisa e camp aki, tanto na YMCA Dakota como tambe na YMCA San Nicolas, pa asina tur participante por pasa un momento agradabel creando experiencia y amistadnan nobo!

 

YMCA su October Camp lo tuma lugar di Dialuna 2 te cu Diabierna 6 di October 2017, di 8’or di mainta te cu 4’or di atardi. E camp ta ser parti den dos diferente grupo. E Kids Group cual ta specialmente pa muchanan di 4 te cu 11 aña di edad, como tambe e Youth Group cu ta specialmente pa hobennan cu un edad di 12 pa 17 aña. Contribucion pa participa na e camp ta 50 florin pa esnan cu ta miembro di YMCA su Afterschool Program, nombra Y’s Care. Pa miembronan di YMCA e camp ta costa 75 Florin, y pa participantenan cu no ta miembri di YMCA e camp ta costa solamente 100 Florin. E prijs ta inclui tur actividad, transporte, cuminda cayente como lunch, snack y cos di bebe.

 

Pa mas informacion por bay riba YMCA su Facebook page: YMCA Aruba, of por subi e website www.arubaymca.com, unda cu por ricibi mas informacion tocante di YMCA YMCA y e diferente programanan, incluyendo October Camp. Esnan interesa pa fungi como boluntario durante YMCA su October Camp por ricibi mas informacion tocante e inscripcion ariba e website di YMCA Aruba. Si ta desea mas informacion aun, por tuma contacto libremente cu YMCA Dakota na 5823072 of YMCA San Nicolas na 5845303.