Home Lifestyle Empleadonan di Aruba Bank a ricibi charla di prevencion

Empleadonan di Aruba Bank a ricibi charla di prevencion

SHARE

270 empleado awor cu mas conocimento di prevencion

Den luna di Augustus cu a pasa e departamento di Comunicacion Informacion y Prevencion di Cuerpo Policial Aruba a duna charla na tur e empleadonan di sucursalnan di Aruba Bank.

Total tabata tin 270 empleado cu a ricibi e charla. E aña aki tabata tin como tema “ If you see something say something”. Si bo wak algo bisa algo!
Esaki a wordo duna door di Sr. Lito Lacle cu a wordo aserca door di departamento di seguridad di Aruba Bank. E charla a wordo duna den 4 seccion pa asina duna tur e empleadonan un chens pa presencia e charla y asina haya informacion hopi valioso pa sa con pa preveni pa un atraco no pasa.
A elabora riba e planning cycles prome cu un atraco tuma lugar y cual di nan, nan tin influencia riba dje.
Durante e charlanan a intercambia experencianan y informacion entre e empleadonan y Cuerpo Policial y tambe e departamento di seguridad di Aruba Bank.

Un danki ta bai na Aruba Bank cu a sa di brinda su confiansa un biaha mas den Cuerpo Policial Aruba.