Home Local Digicel hunto cu Hospital ta introduci IT netwerk na e edificio nobo

Digicel hunto cu Hospital ta introduci IT netwerk na e edificio nobo

SHARE

ORANJESTAD, ARUBA : Luna pasa Digicel a celebra nan di 14 aniversario na Aruba, cordando ainda con nan a cuminsa cu un red di GSM pero cu a desaroya den un compania di telecomunicacion y di solucion di ICT. Desde e industria di telecomunicacion ta cambiando tur dia y data ta hunga un rol significante den bida di nos hendenan, Digicel a cuminsa enfoca mas ariba solucion di ICT, segun Wanda Broeksema, CEO di Digicel Aruba.

Na aña 2016, Digicel Aruba a participa na un destaho publico organisa pa Dr. Horacio E. Oduber Hospital y a gana esaki na aña 2017. Digicel Aruba a firma un convenio cu Hospital di Aruba, conhuntamente cu nan partner Cisco pa traha hunto den e proyecto aki. Gradualmente a implementa e cambionan aki na Hospital.

Pa cu esaki Digicel Aruba hunto cu departamento di ICT di Dr. Horacio E. Oduber Hospital a diseña un data netwerk completamento nobo pa ful Hospital. Esaki ta encerafase 1 na e edificio nobo y fase 2 na e edificio actual. E netwerk ta conecta wireless y alabes via waya. Esaki ta forma e base unda cu tur e dunadonan di cuido di Hospital por tin acceso na e Electronisch Patienten Dossier (EPD). Den algun luna Hospital lo introduci e siguiente fase den e trayecto aki unda cu tur informacion di pashent lo converti pa uno completamente digital. E proyecto di netwerk ta forma un parti grandi den preparacion pa e EPD aki, specialmente e parti di wireless, asina sr. Brian Monpellier, Head of Business Solutions na Digicel Aruba a informa.
Awendia tanto pashent y bishitante na Hospital ta cana cu sea celular of tablet. Cu e realidad aki den mente, siguridad di data ta mas importante cu nunca. Awo e Hospital di Aruba ta bon prepara cu un miho calidad di netwerk, sigurando cu tur informacion di pashent ta keda totalmente priva.

Pa garantisa cu e netwerk ta traha optimal, tabata tin diferente periodo di prueba. E netwerk na e edificio nobo awor ta completamente cla pa wordo uza. Asina cu Hospital di Aruba lo cuminsa cu e renobacion di e edificio actual Digicel Aruba y Cisco lo cuminsa cu e fase 2 di e instalacion di netwerk.

Miembro di Directiva di Dr. Horacio E. Oduber Hospital, sr. Theo de Kool ta feliz cu e colaboracion cu Digicel. E infrastructura di e computer netwerk a cuminsa mas cu un aña pasa y ta cumpli cu tur e rekisito moderno pa e ICT netwerk di Hospital. E hecho cu Hospital ta depende ariba un netwerk cu ta semper disponibel y ta percura pa e operacionnan diario di un Hospital ta haci cu tambe mester a cumpli cu exigencianan halto.

“Nos ta feliz di por traha conhuntamente cu Digicel Aruba cu ekipo di Cisco, pa garantisa solamente e miho servicio cu e productonan excepcional y ekiponan den e mercado di ICT”, drs. Theo de Kool a bisa.