Home » Trahando awo na Inspectie Volksgezondheid Aruba Virginia Laclé y Lisette Croeze-Theysen a cumpli 25 aña den servicio

Trahando awo na Inspectie Volksgezondheid Aruba Virginia Laclé y Lisette Croeze-Theysen a cumpli 25 aña den servicio

by sxm
0 comment 70 views

ORANJESTAD, Aruba: Inspectie Volksgezondheid Aruba (IVA) a celebra cu 25 aña pasa, Virginia Laclé  y Lisette Croeze-Theysen a drenta den servicio na Inspectie Geneesmiddelen (awo IVA). A conta cu presencia di Minister di Salud Publico, Cuido di nos Grandinan y Deporte, Dr. Carlos “Alex” Schwengle, kende a haci entrega di e plakkaat y pennan como muestra di aprecio y gratitud p’e añanan di servicio. Tambe tabata presente e Inspector di Remedi, sra. Roselynn Angela y e Inspector General sra. Dorylee Pappers-Lopez Penha.

 

Lisette Croeze-Theysen y Virginia Laclé a cuminsa traha na Inspectie Geneesmiddelen na september 1992. Esaki ta e temporada cu e oficina nobo di Inspectie Geneesmiddelen a habri den Avicenastraat, unda awo ta Dienst Besmettelijke Ziekten (DBZ). Den nan 25 aña di servicio, Lisette y Virginia a gana hopi experiencia door di traha den tur seccion na Inspectie Geneesmiddelen prome cu dirigi nan mes na un seccion mas specifico. Tambe, ambos empleado ta ‘bijzondere opsporingsambtenaren’ di remedi, cual ta nifica cu den nan tarea di controla e seguridad di remedi, nan ta localisa hechonan castigabel riba e tereno di remedi. Den 25 aña, Virginia y Lisette a experiencia hopi cambio, cual esun mas recien ta e transicion di Inspectie Geneesmiddelen pa Inspectie Volksgezondheid Aruba.

 

IVA ta contento di tin empleadonan cu gran conocemento y experiencia den funcion asina largo pa contribui na e organisacion. E Inspector di Remedi, Roselynn Angela, kier a gradici Virginia Laclé y Lisette Croeze-Theysen pa nan aporte na IVA y ta desea nan hopi mas aña di servicio. Felicitacion ta bin tambe di henter e team di IVA.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio