Home Entertainment Famia di MetaCorp a tene “Family Day” riba De Palm Island

Famia di MetaCorp a tene “Family Day” riba De Palm Island

SHARE

ORANJESTAD, Aruba: E famia di MetaCorp a bini hunto diasabra na De Palm Island pa nan grandioso actividad di dia di famia. Na e actividad dia di famia na De Palm Island a conta cu e presencia di mas o menos 1200 persona, cu ta empleadonan di ATCO Aruba, ATCO Concrete, EcoTech, EcoGas, New York Laundry, The Cinemas, Tropical Bottling, Brouwerij Balashi y MetaCorp a bin cu nan famia pa pasa un dia dushi.

 

Hunto cu e empleadonan, representantenan di gerencia di diferente compania di MetaCorp y subsidiarionan tambe tabata presente pa asina pasa un momento ameno cu nan. Pa añanan MetaCorp a tene dia di famia, pero pa 3 aña ta haciendo esaki entre MetaCorp y subsidiario. E iniciativa di MetaCorp pa haci aki ta pa pasa un dia cu coleganan y nan famia, pero tambe e compania ta debolbe bek na e empleadonan y su famia e dia aki como muestra di gradicimento pa nan esfuerso y dedicacion eherciendo nan trabao diariamente pa MetaCorp y subsidiarionan.

 

E famia di MetaCorp a pasa e dia alegre, unda cu a disfruta di e waterpark, snorkel y tur e actividadnan cu tin riba De Palm Island. DJ Diablo y PM Band a pone ambiente pe famia di MetaCorp. Nos cerbesnan local Balashi y Chill no por a keda afo.

 

MetaCorp ta gradici tur empleado hunto cu nan famia pa pasa e dia riba De Palm Island. E siguiente actividadnan di MetaCorp ta Bike Ride di MetaFit, Dia di Salud (Health Presentation, WGK Prikactie) y actividadnan en conexion cu fin di aña.