Home Lifestyle MEP TA HASI DONACION BRIYO DI SOLO DI 8.900 FLORIN

MEP TA HASI DONACION BRIYO DI SOLO DI 8.900 FLORIN

SHARE
ORANJESTAD — Partido MEP a wordo hopi conmovi pa e candela cu a destrui tres local na pasadia Briyo di Solo, y a dicidi di tuma accion. 
Directiva di partido pa e motibo aki a dicidi di hasi un donacion di 5,000 florin na Briyo di Solo.
Diabierna ultimo candidato Daphne Lejuez a organisa un actividad pa recauda fondo na su Cede cu bendemento di cos dushi. E atardi aki, Daphne a bende cos dushi y cu e accion aki a recauda 1.400 florin pa yuda Briyo di Solo.
Y diadomingo durante e gran actividad na Rancho, Plaza Starke, lider di MEP Evelyn Wever-Croes a anuncia cu el’a cancela e ciere di campaña di dje mes, pa asina usa e fondonan pa yuda Briyo di Solo, y asina a duna 2.500 florin adicional, hasiendo e suma total 8.900 florin.
 
Dialuna ultimo lider di MEP Evelyn Wever-Croes hunto cu candidatonan Daphne Lejuez, Setty Christiaans y Guillfred Besaril a bishita Briyo di Solo, pa entrega e donacion y mes momento por a mira e destruccion. Tambe nan por a saluda e clientenan.
 
“Briyo di Solo ta un pasadia hopi importante pa nos hendenan special di 16 anja bai ariba, y nan mester di nos sosten. Mientras tanto nan a haya temporalmente algun local otro caminda, pero nan mester cumpra tur nan materialnan bek cu a bai perdi. Nos ta contento di por hasi e donacion aki, y nos ta spera cu e por alivia e situacion pa asina nos hendenan special por sigi haya e atencion y cuido di Briyo di Solo”, lider di MEP Evelyn Wever-Croes a duna di conose.
 
Pabien na MEP y su candidatonan pa e bunita gesto aki.