Home » MEP: PLAN PA RECOBRA INTEGRIDAD DEN GOBERNACION Y PARTICIPACION MAS ACTIVO DI PUEBLO DEN GOBERNACION

MEP: PLAN PA RECOBRA INTEGRIDAD DEN GOBERNACION Y PARTICIPACION MAS ACTIVO DI PUEBLO DEN GOBERNACION

by sxm
0 comment 57 views
  • LEY DI FINANCIAMENTO DI PARTIDONAN POLITICO:

E ley di financiamento di partidonan politico, lo evita cu placa di baho mundo ta wordo uza pa hiba campaña electoral, y evita cu  baho mundo ta bin cobra fabornan bek, y ta mete den decisionnan di gobierno.

 

  • INTEGRITEITSKAMER:

Den termino  di e prome aña di gobernacion mester introduci un “Integriteitskamer” na Raad van Advies pa garantisa e integridad di gobernantenan, y un departamento “Contentieux”, cu por evalua y revisa casonan cu a bay LAR,  pero cu despues gobierno a pone e consehonan di LAR un banda.  

Bon gobernacion y integridad den gobernacion mester sali for di e persona mes y en principio no mester ta necesario pa regle den ley, sinembargo pa evita e mal-gobernacion y   corupcion  cu a tuma lugar e ultimo añanan, y pa restablece e confiansa di e cuidadano den e gobierno, mester regla e asunto aki pa medio di un ley pa Aruba por tin un institucion independiente di gobierno cu por scrutina actonan di gobernantenan y/o departamentonan di gobierno ora mal

gobernacion y corupcion ta obvio.

 

  • SCREENING DI MINISTERNAN:

E forma con ta screen ministernan mester wordo mehora, y mester duna  Gobernador  un papel mas crucial den screening di gobernantenan.

 

  • CODIGO DI CONDUCTA:

Lo  bin cu un Codigo di Conducta pa ministro y parlamentarionan pa asina evita cualquier

impresion cu un ministro ta paga fabornan politico na esnan cu a financia su campaña.

Mester bini cu Control estricto riba integridad di gobernantenan y den caso di posibel violacion di ley, ministerio publico mester investiga e gobernantenan

 

  • CAMBIA E ‘KIESVERORDENING’ pa permiti e politico cu mas voto drenta Parlamento irespecto e number riba lista. Tambe pa elimina pa medio di un ley, e posibilidad di robo di asiento.

 

  • OMBUDSMAN:

E ley di  Ombudsman lo wordo introduci pa asina tin un defensor di pueblo, pa garantisa proteccion riba tur nivel. Un Ombudsman lo atende cu kehonan di ciudadanonan riba desicionnan inadecuado, mal motiva of sin base legal, tambe mal servicio di departamentonan gubernamental, pero tambe actuacion no integro di gobernantenan.

E ley aki, acompaña pa uno di ‘klokkenluiders regeling’, mester brinda proteccion na esnan cu ta denuncia corupcin den gobierno, pa nan no wordo persigi.

 

  • CORTE CONSTITUCIONAL:

Evalua e posibel creacion di un Corte Constitucional cu ta fortifica nos sistema democratico pasobra e ta introduci “checks and balance” haciendo posibel pa somete kualkier ley y decision na prueba di nos Constitucion.

Cu esaki ta preveni cu e mayoria den Parlamento of Gobierno por bin cu desicionnan cu ta contra di nos Constitucion cu tey pa netamente proteha e ciudadano. Democracia no ta ‘mayoria ta manda’. Democracia ta ensera cu kualkier mayoria cu ta na mando mester tene cuenta cu su minorianan.

 

  • DEMOCRACIA INTERACTIVO:

E avansenan tecnologico ta amplia e posibilidadnan pa gobernacion yega mas lihe y facil cerca pueblo. Informacion confiable ta un condicion pa no solamente informa, pero haci hende consiente, activo y critico. Mester amplia e posibilidadnan digital  no

solamente pa mehora servicio, pero pa ta mas conecta cu pueblo  y  pa pueblo ta mas envolvi den tumamento  di decision cu ta toca nan.

 

  • INICIATIVA DI PUEBLO.

Mester crea e posibilidad pa via di un iniciativa di pueblo trece un tema riba agenda di Parlamento  ora cu pa un of otro razon Miembronan di Staten nenga pa haci’e. Aki ta trata di un tema cu ta sostene pa un peticion firma pa suficiente hende, bon argumenta y na interes general. Nos no ta kere cu ta solamente Miembronan di Parlamento y  Gobierno mester decidi cual tema ta keda discuti, sino pueblo en general.

 

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio