Home Politics Hipólito “Eddy” Ras # 7 POR Como cu companianan ta hasi...

Hipólito “Eddy” Ras # 7 POR Como cu companianan ta hasi mas uzo di digitalisacion, gobierno mester structura un maneho pa no bay crea desempleo

SHARE

Pa comerciantenan por sigui competi cu e demanda di cliente actualmente, companianan ta haci mas uzo di digitalisacion. Por ehempel: online banking, online shopping, etc. Digitalisacion di compania ta hasi cu den futuro e companianan ta bay tin mester di menos empleado. Cual cu ta hasi cu si no tin un maneho structura, den futuro ta bay tin desempleo. Digitalisa compania ta un motivacion pa comerciantenan, como e costo di personal di e companianan ta baha. Aunque e companianan ta 24 ora 7 dia den siman den servicio. Pasobra por haci transacionnan online (p.e. shopping, paga cuenta) riba cualkier ora den dia.

 

E situacion ta exigi un maneho responsabel di parti di gobierno den diferente carteranan. Tres cartera cu lo mester atencion pa evita cu lo bay tin desempleo ta: economia, enseñansa y imigracion.

 

Economia lo mester percura pa bay tin mas empleo. Pa medio di mehora economia, ta bay tin mas variacion den empleo y cu miho salario. POR lo crea empleo a base di:

  1. expande turismo pa medio di fast ferry entre e islanan Aruba, Boneiro y Corsou.
  2. introduci pilar economico nobo cu ta e curason di Fourth Industrial Revolution.

 

E pilar economico nobo lo ta enfocando riba companianan high tech, E-business, startups, business incubators, companianan fintech y otro actividadnan economico innovativo basa riba tecnologia nobo.

Pa ta atractivo pa introduci un pilar economico nobo lo:

  1. Introduci incentivonan fiscal.
  2. Stimula crelacion di un fondo di inversion.
  3. Brinda e infrastructura necesario cu e meta pa desaroya un sector economico nobo.

 

Enseñansa lo mester produci futuro empleadonan pa e competencianan cu tanto e pilar economico nobo y digitalisacion di companianan ta rekeri. Ambos tin di haber cu otro. Pa por sigura cu den futuro localnan lo por eherce y tuma e puestonan di digitalisacion over, lo introduci opleiding ICT. ICT ta para pa “Informatie en Communicatie Technologie”.

 

E ta un materia cu ta basa riba:

  1. Systema di informacion (tur informacion ta wordo poni hunto, por analisa e situacion y informacion por wordo presenta);
  2. Telecomunicacion;
  3. Computer.

 

 

Pa medio di e materia aki un alumno ta siña diseña y domina:

  1. Systema di netwerk (netwerk ta momento cu dos of mas computer ta connecta cu otro).
  2. Database (database ta unda cu informacion digital ta wordo warda).
  3. Website.
  4. Applications (“Apps”).

Tambe ta wordo educa con pa mantene un computer, tanto e parti software y e parti hardware.

 

Den un comunicado di Censo na maart 2016, a bin dilanti cu na Aruba tin 119044 habitante registra. Un di e metanan pa mehora economia ta por brinda e studiantenan den exterior cu ora nan termina nan estudio, cu nan por haya un empleo. Cual cu ta hasi cu si companianan ta bay tin mester di menos empleado y ta motiva e studiantenan regresa back, imigracion mester di un maneho responsabel momento di duna habitantenan di exterior permiso.

 

Pa medio di un maneho structura y responsabel, como gobierno bo por evita cu ta bay tin desmpleo den futuro. Cual cu lo evita criminalidad y brinda pueblo un miho calidad di bida.