Home » Alerta pa un ola di calor, entrante diamars merdia te cu Diabierna

Alerta pa un ola di calor, entrante diamars merdia te cu Diabierna

by sxm
0 comment 82 views

Oranjestad: Diamars 12’or y mey di merdia, for di Servicio Meteorologico di Aruba  a sali e siguiente aviso: Aviso pa un ola di calor efectivo for di Diamars merdia pa Diabierna 22 di September. E tempo humedo y calor lo por wordo spera tambe durante weekend te na comienso di otro siman.

Ola di calor

Un depression swak door di e pasada y e restonan di e horcan Maria, ta trece e ola di calor aki cune, por spera temperaturanan di 33 pa 36 grado celsius cu hopi humedad, door di e humedad, e temperatura lo por wordo sinti igual na un temperatura di entre 40 cu 44 grado celsius tur e dianan venidero.

Calor excesivo ta hopi peligroso y por costa bida di hende, hendenan mester ta bon prepara pa e peliger cu temperaturanan extremadamente halto. Especialmente muchanan chikito y hendenan grandi especialmente cu ta sufri di un of otro malesa of tin problema cu curason ta esnan mas vunerabel. 

Aviso

Ta avisa tur hende pa limita actividadnan pafo di cas, pa hacinan mainta tempran of te anochi. Tur cu tin airco haci uso di dje of esnan cu no tin airco laga minimo un bentana habri pa aire circula.

 
Precausion y preparacion
 Alerta di ola di calor, ta un periodo cu por spera temperaturanan hopi halto. E temperatura hopi halto combina cu hopi humedad , lo crea posibilidad di un situacion peligroso pa tur esnan cu ta sufri di un of otro enfermedad cu ta vunerabel pa e calor y lo por wordo afecta pa e calor inmenso.
 
Tur hende ta wordo avisa pa bebe hopi likido y keda den airco y no bay den solo.
 
 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio