Home » Un imagen renoba, moderno y colorido Dr. Horacio E. Oduber Hospital cu logo nobo

Un imagen renoba, moderno y colorido Dr. Horacio E. Oduber Hospital cu logo nobo

by sxm
0 comment 61 views

ORANJESTAD, Aruba: Desde inicio di e proyecto di construccion y renobacion a mira esaki como e momento ideal y perfecto pa renoba y modernisa e cara y  identidad di nos Hospital. Na 2005 Hospital a haci desvelo di e logo cu tur hende ya conoce como e logo di hospital. Y desde awo ta bisa ayo na e colornan blauw cla y greis y ta yama bon bini na un logo renoba, modernisa y colorido. E logo nobo  tin e esencia di Hospital su pasado y alabes ta señala e direccion cu ta desea di bay den futuro.

Director Financiero di Hospital, sr. Theo de Kool tabata contento di por a mira cu hopi empleado di diferente funcion a yega na desvelo di e logo nobo. Desde ya algun aña Stichting Bloedbank Aruba y recientemente LAB HOH ta resorta bou di HOH y pues a incorpora nan esencia y color den loke awe nos ta yama e logo nobo di Hospital. E logo nobo ta ilustra e cooperacion entre e diferente instancianan aki pa asina brinda cuido di calidad y profesional na nos pashentnan.  

 

Awor 2 aña despues di e trabounan di renobacion, a yega e momento pa duna nos Hospital un toke moderno, innovativo y trece algun color den dje. Manager di departamento di comunicacion y informacion di Hospital, Charlaine Alexander-Huntington a duna di conoce.

 

Diabierna mainta directiva di hospital a invita empleadonan pa asina nan por tabata presente na e desvelo di e logo nobo. A pasa un video unda cu e empleadonan por a admira esaki y na final tabata tin e palabranan “This is us” hunto cu e logo nobo. Esaki a sigui pa un aplauso grandi di tur empleado cu a demostra e union y alegria despues di a conoce e logo nobo.  Pabien Hospital y pabien Aruba cu boso logo nobo y danki na tur cu a haci e momento special aki posibel.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio