Home Entertainment Staff y personal di Aruba Airlines a organisa un dia di...

Staff y personal di Aruba Airlines a organisa un dia di limpiesa rond di nan oficina principal na Cumana.

SHARE

Cumana: Diasabra for di mainta tempran staff y personal di Aruba Airlines hunto cu algun miembro di famia y amigonan a bin hunto pa asina cuminsa cu e trabounan di limpiesa riba e parkinglot dilanti di nan oficina y asina tambe aporta na tene nos dushi isla limpi.

Den un ambiente hopi ameno y cu hopi entusiasmo a cuminsa for di oranan di mainta y a termina te den oranan di atardi,  asina dunando di nan parti pa haci e alrededor y e parkeo di  e oficina principal di Aruba Airlines limpi pa un mihor higiena.

Aruba Airlines ta gradici e comunidad Arubiano y pasaheronan pa e confiansa cu nan ta deposita den Aruba Airlines. Aruba Airlines ta preparando pa cuminsa cu vuelonan interisland muy pronto lo ta bay re inicia cu e destinacion di Corsou y tambe lo bay inaugura vuelo pa e destinacion di Boneiro. 

Keda pendiente den transcurso di e simannan nos dilanti , lo bay publica mas informacion di e vuelonan pa destinacionnan nobo.