Oranjestad, Renaissance marketplace: Diasabra algo pa mas o menos 9’or y 45 di anochi presencia di polis ta wordo rekeri na e timekeeper di Renaissance Suites. Pa motibo cu durante un pelea di gang di hobennan, un hoben a wordo hinca cu un arma blanco y tabata herida.
Hoben di 17 aña hinka cu un arma blanco Mesora polis a bay na e sitio y na yegada nan ta bin topa cu un hoben di 17 aña herida, cu un hinka den zij di un arma blanco. Polis na e sitio ta pidi pa asistencia di ambulance y despues cu personal di ambulance a trata e hoben a transporta e hoben pa hospital.
Varios unidad a cuminsa cu un buskeda pa e sospechosonan Tambe na e sitio e agentenan policial ta bin confirma cu enberdad tabata tin un pelea di gang di hobennan y cu esnan cu a tabata involvi den e hinkamento lo a bay for di e sitio caba. Diferente unidad di polis a presenta na e sitio y a cuminsa cu un buskeda den cayanan di Oranjestad, pa e sospechosonan cu lo tabata involvi den e pelea y cu lo a hinka e hoben,
Detencion di tres hoben Den un lapso di mas o menos 10 minuut polisnan ta logra pone man riba 3 hoben y nan edadnan ta entre 16 pa 18 aña. Remarcabel ta cu tur tres hoben tabata bisti na cora y den nan poder nan tabata tin un cuchiu y un machete.
Mesora nan tur tres a wordo deteni y transporta pa Warda di Polis na Playa.