Diabierna awo pueblo Arubano lo bay urnanan electoral pa deposita nan voto pa e partido y persona cu nan ta desea pa representa Aruba den Parlamento pa e proximo 4 añanan. E aña aki Aruba tin un partido nobo cu ta E Forsa Nobo cu ta bay traha pa hiba henter comunidad di Aruba dilanti. Depositando bo voto di confiansa den partido Pueblo Orguyoso y Respeta (POR) dia 22 di september, ta garantisabo cu nos lo traha na progreso y bienestar di cada ciudadano.
Desde cu a lanta partido POR, a bisa cu lo bay haci tur cos diferente como partido. POR E Forsa Nobo a percura pa hiba informacion di e contenido di nos Plan di Accion y despues e Plan di Gobernacion ‘Vision 17 – 21’den tur bario rond di Aruba. Un Vision cu no ta promesanan bashi, sino plannan realisabel traha door di pueblo pa pueblo. A base di e informacion aki tambe, POR a forma un lista di 29 candidato cu ta capaz y cla pa atende cu e retonan cu comunidad a indica como prioridad.
Ta gradici comunidad pa e acceptacion di partido POR, cu existencia di apenas 8 luna a ocasiona un revolucion akinan na Aruba. “POR ta conta cu 29 lider capacita cla pa traha pa cada ciudadano riba e pida baranca aki conoce un adelanto real y pa nos futuro generacionnan pa por tin un futuro sigura.”