ORANJESTAD – Iniciativa pa Desaroyo pa Empresa Arubano (Idea) kier invita tur esnan cu tin un negoshi existente of cu ta den proceso pa habri un negoshi pa asisti na Idea su workshop “Small Business Administration & Tips for your Income Tax Return” dia 16 september venidero.
E oradornan, sra. Meluska Solognier, Owner y Managing Director di NGA Administration & Development VBA y sra. Cindy Clark LL.M, Tax Partner di Reliant Dutch Caribbean & Suriname lo presenta e siguiente topiconan:
- Pakiko ta bon pa tin un bon administración pa bo negoshi,
- E diferencia entre gastonan personal y gastonan di negoshi,
- Cua ta e gastonan cu tin relación cu bo negoshi,
- Información di Accounts Receivable, Accounts Payable, Depreciation, Inventory etc.
- Deadlines cu mester tene na cuenta cu nan,
- Información di statement di CC, ATM slips etc.,
- Informacion di administración di salario y con pa administra un payroll, pensioen etc.
- Pakiko jena e aangifte IB,
- Cual ta e entradanan cu ta cay bou di IB,
- Kiko ta e costo deducibel di e entradanan aki,
- Kiko ta e costonan cu ta deducibel di e entrada di negoshi y kiko ta e rekisito pa presenta esaki,
- Kiko ta e impuesto y prima retene y ehempel di calculacion di entrada di negoshi.
Workshop ta completamente GRATIS y ta tuma lugar na Departamento di Asuntonan Economico, Comercio y Industria na Sun Plaza, di dos piso di 10.00 am pa 12.30 pm.
Pa tur empresario existente of cu ta den proceso pa habri un negoshiy cu kier atende e workshop aki mester inscribi via email: [email protected] of [email protected] of via telefoon: 5821181 ext. 439/440.
Cupo ta limita, nos ta wardabo!
Abo tin un Idea? Hasi bo Idea realidad. Bishita Idea na Departamento di Asuntonan Economico, Comercio y Industria, na Sun Plaza di dos piso, y nan lo yudabo cu tur informacion y guia necesario.