Home » Otmar Oduber: Cu POR den gobierno bo ta garantisa cu plannan di desaroyo economico na San Nicolas lo continua

Otmar Oduber: Cu POR den gobierno bo ta garantisa cu plannan di desaroyo economico na San Nicolas lo continua

by sxm
0 comment 47 views

 

Tur proyecto ta wordo carga a base di liderazgo  y esey ta e trabou di un Minister. Por mira ultimo lunanan cu atrobe e comunidad di San Nicolas a wordo laga un banda pa loke ta desaroyo y renobacionnan. Prome cu sr. Otmar Oduber a entrega su puesto como Minister el a sa di laga atras cambionan di ley  pasa den Parlamento y fondonan entre otro pa garantisa e continuacion di e desaroyo di San Nicolas.

Si nos haci uzo di e edificio Uncle Louis Store como un ehempel, tur cos a wordo laga atras pa su renobacion. Contract  cu monumentenfonds tabata cla, a bay busca aprobacion den Parlamento y asina mes cu presupuesto laga atras p’e, nada mas a tuma luga riba esaki.  Nicolas Store a wordo hinca den henter e proyecto tambe di renobacion di San Nicolas, pues el a wordo drecha y renoba sinembargo te dia di awe e museo no por habri. Ta mustra cu ta simplemente pa motibo di falta di liderazgo den gobierno no ta ta motiva un team pa trek e continuacion di e proyectonan aki.

Banda di tabatin un team cu personanan dedica y motiva pa haci e trabou, e proyecto tabata a base di un rapport cu a wordo traha di Aruba Investment Bank (AIB). E proyecto no tabata djis un soño of capricho di un persona, sino un plan bon hinca den otro caminda cu ATA tabata envolvi, tur e stakeholdersnan di cultura, San Nicolas Business and Association entre otro. Sr. Otmar Oduber a duna di conoce cu recientemente hasta e fondonan laga atras den TPEF (Toursim Product Enhancement Fund) cu tabata destina pa continua cu e renobacion di e di dos fase cu ta Mainstreet,  a wordo uza na playa pa basha ex Bushiri Hotel abou. Mientras cu ATA tabatin fondo pa basha e ex hotel aki abou for di 3 aña pasa.

Si reflexiona riba e desicionnan tuma door di e gobierno aki pa pa loke ta e desaroy di San Nicolas, locual ta resalta ta, cu ki ora cu ta San Nicolas, nunca e no por ta un prioridad. Ora cu mira e cosnan aki ta puntra cuanto atencion e gobierno aki realmente tin pa San Nicolas.

“Nos di POR tin un team cu ta para pa continua cu e proyectonan aki cu nos ta na tempo ainda pa realisa. No solamente pa haci San Nicolas un Culture and Heritage City, pero tambe pa crea un Creative Industry na San Nicolas.” E ta un cuestion di duna oportunidad na San Nicolas. Un cantidad di gruponan a bin Aruba como tarea di ATA, pa nan mira kico nos ta creando na San Nicolas, pa asina e benta cuminsa na 2018 pa genera trafico di turista pa Pariba di nos isla. Lamentablemnete apenas a yega na e punto ey y ya tur cos a ‘crumble down’ door di fata di vision y liderazgo di e gobierno aki, lider di POR sr. Otmar Oduber a enftisa.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio