Home » Dama a sinti su curpa malo, ela bay sosega y ta fayece

Dama a sinti su curpa malo, ela bay sosega y ta fayece

by sxm
0 comment 112 views

Kamay – Diahuebs anochi ambulance a bay un adres na Kamay, caminda cu un persona lo a bira malo. Na e cas nan a constata cu e dama no tawata duna señal di bida y cu e lo tawata tin algun rato morto caba.

A base di loke nan a wak y pa buena marcha a pidi presencia di polis.
Mes ora dos unidad policial a yega e cas y a pidi pa dokter.

Informacionnan cu nos a haya ta cu e dama aki, henter dia tawata sinti malo, esta hopi dolor den barica.
Den oranan di merdia e lo a bebe pilder y a bay sosega.

Anochi

Den oranan mas di anochi su pareha lo a bay wak con a sigui cune, pero ta ripara cu e no tawata reacciona y aki ta caminda a avisa ambulance.
Ey ta caminda cu nan a wak cu e dama no tawata duna señal di bida.

Dokter Texier a presenta y a constata morto natural di e dama M. Arends naci na aña 1982
Nos kier a manda un palabra di condolencia na famia di e fayecido.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio