Home » Aruba Bank a sostene simposio di “Good Governance”

Aruba Bank a sostene simposio di “Good Governance”

by sxm
0 comment 64 views

ORANJESTAD, Aruba: Aruba Bank ta apoya iniciativanan local cu ta duna sosten na democracia di nos pais Aruba. Den cuadro di esaki a scohe pa yuda Stichting Deugdelijk Bestuur Aruba (SDBA) y Universidad di Aruba pa tene nan simposio di “Good Governance” cuminsando dia 12 di september. E simposio aki a enfoca ariba e uzo di autoridadnan representativo door di haci cosnan den e forma moralmente/legalmente corecto. A resalta e uzo necesario di un compas moral cu ta funciona y e sistema di “checks and balances” como mecanismo di regulacion.

 

Durante di un periodo di tres (3) dia un gran cantidad di persona por a presenta varios discurso tocante di e calidad di gobernacion na Aruba, Caribe Hulandes y mundo y e efectonan of consecuencianan di cambio den esaki. A trata e importancia di e responsabilidad personal pe desaroyo di comunidad y e rol di emancipacion di hendenan muhe pa realisa “good governance”. Como clausura tabatin tayernan riba mehora e sistema di  “checks and balances”, diseño den modelo democratico nobo, y e expancion di e movemento di iniciativa.

 

A conta cu oradornan internacional como local, kendenan tabata Sra. Willeke Slingerland, investigado di Saxion University of Applied Sciences, Academy of Governance, Sra. Nelly Schotborg, investigado di fraude y corupcion den islanan Caribense di Reino Hulandes y Sr. Armand Hessels di Aruba, kende ta e fundado di SDBA.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio