Tur aña ta tene apertura di aña academico
ORANJESTAD, Aruba: Universidad di Aruba tabatin apertura di e aña academico y Minister di Enseñansa Michelle Hooyboer-Winklaar tabata presente na esaki. Ta un custumber cu ta tene un apertura di e aña academico na Universidad di Aruba y ta haci esaki tur aña riba e di dos diabierna di luna.
E apertura tabata uno special y pe mandatario esaki tabata un honor di por a comparti algun palabra cu e invitadonan. Specialmente esaki tabata e ultimo biaha cu Minister Michelle Hooyboer-Winklaar lo dirigi palabra na un ocasion asina aki. E momento aki pa e mandatario tabata uno yena cu hopi emocion y di otro banda e ta sinti su mes sumamente orguyoso di a forma parti di diferente proyecto conhuntamente cu Universidad di Aruba.
El a mira e progreso cu tabatin den e ultimo 4 aña. “Mi ta desea tur studiante, tur docente, henter staf di universidad un aña exitoso”. Tambe cu por mira cu e progreso pa Universidad di Aruba sigui.