Home Local Mashin di MRI ta temporalmente for di servicio

Mashin di MRI ta temporalmente for di servicio

SHARE

Hospital na caminda pa un mashin nobo y moderno

ORANJESTAD, Aruba : Recientemente Dr. Horacio E. Oduber Hospitaal a constata cu e mashin di MRI, cu ya tin no menos di 16 aña den uzo, a demostra un fayo cu ta asina compleho y costoso cu a opta pa no inicia awo cu e proceso di drecha e mashin den un forma extenso. 

Mirando e construccion y renobacion di Hospital ya caba tabata riba plan pa fin di 2017, esta luna di november instala un mashin di MRI completamente nobo y moderno. Si logra drecha e mashin di MRI actual durante e simannan  venidero a dicidi pa haci uzo exclusivamente di dje pa casonan di hopi urgencia pa asina logra instalacion di e MRI nobo exitosamente y den un lapso di tempo cortico.  

Nos ta keda un isla chikito cu limitacion na loke ta algun recurso medico y pues mester keda corda cu aunke e mashin nobo lo ta super moderno, no por kita afo cu cierto experticio ta impagabel na Aruba ya cu e no sa sosode mucho y pues haci testnan afo lo por sosode. 

E mashin di MRI completamente nobo y moderno ta na caminda pa nos isla. Nos ta trahando riba eleva y modernisa nos cuido diariamente y ta spera di pronto por informa un y tur cu nos mashin nobo ta instala pa asina brinda e servicio di MRI manera debe ser.