Home Uncategorized Presidente di Parlamento, Drs. Mervin Wyatt-Ras Aña Parlamentario lo ta diferente e...

Presidente di Parlamento, Drs. Mervin Wyatt-Ras Aña Parlamentario lo ta diferente e aña aki sin militarnan

SHARE

Debi na ayudo urgente na Sint Maarten

 

ORANJESTAD: Durante e reces di Parlamento, a realisa diferente trabou pa mehora infrastructura di e edificio, a cambia tapijt y a traha riba e sistema di airco. Presidente di Parlamento, Drs. Mervin Wyatt-Ras ta contento cu e trabounan y awor ta cla pa apertura di Aña Parlamentario nobo, unda cu Gobernador lo duna su discurso encuanto maneho pa futuro.

 

E aña no lo tin desfile di e militarnan dor cu nan lo ta cumpliendo cu e deber y convivencia cu e pueblo di St. Maarten, unda ta yuda nan den e situacion cu nan ta aden actualmente despues di horcan Irma. Presidente di Parlamentario a manda palabranan di forsa na e pueblo di St. Maarten. Aunke cu e militarnan no lo ta presente, e procedura normal lo continua. “Esaki ta den nos constitucion cu riba e di dos diamars di luna di September, nos ta habri Aña Parlamentario”.

 

Manera custumber, na e Aña Parlamentario lo tin presencia di dignatario y invitadonan, incluso Ministernan tambe lo ta presente den e sala di Parlamento.

 

Diamars mainta e caminda lo ta cera pa por ricibi Gobernador. Ta pidi automobilistanan pa tene cuenta cu e cambio aki den trafico den centro di Oranjestad.