Home » MEP: MEP LO CONCENTRA RIBA CRECEMENTO DI TURISMO DEN CANTIDAD Y CALIDAD

MEP: MEP LO CONCENTRA RIBA CRECEMENTO DI TURISMO DEN CANTIDAD Y CALIDAD

by sxm
0 comment 68 views

Ta obvio cu despues di e ciere di refineria Valero na 2012, e industria di turismo ta Aruba su unico pilar economico na e momentonan aki. Hopi esfuerso a wordo dirigi pa hisa cantidad di bishitantenan pero a perde e calidad di nos bishitantenan for di bista y poco atencion a wordo duna na evalua kico ta necesario pa cu e productividad di e industria aki mirando cu turismo na Aruba ta saturando.

 

Aruba ta sinti esaki pa e echo cu menos placa ta keda atras mirando cu bishitantenan ta gastando menos placa mientras nan ta na Aruba y specialmente tur tendencia ta mustrando cu bishitantenan ta bin mas y mas cu paketenan prepaga y un cantidad significante ya ta bin Aruba cu paketenan “All-inclusive”.

 

MEP lo no solamente concentra riba crecemento den cantidad pero tambe hisa e calidad di nos bishitantenan dirigiendo esfuerso pa atrae bishitantenan cu por gasta mas na Aruba.

 

Esaki ya ta bahando e rentabilidad di placa cu tin disponibel pa mercadea nos pais, cu ta mas cu dobel di añanan atras. A pesar cu e cantidad di “tourist stay-over” a crece, e crecemento aki no a traduci su mes den crecemento di GDP. Di otro banda, e cantidad di ‘calls’ di barconan crucero, y e cantidad di turistanan crucero a baha. E desaroyo aki ta preocupante y mester di mas atencion.    

 

Mester duna mas atencion con pa yega na un miho mix di mercado cu Aruba lo atrae pa nos desvia nos dependencia riba algun mercado so, haciendo nos economia mas vulnerabel pa loke por pasa na e paisnan aki y nan economia. Ultimo cifranan ta mustra cu hasta nos bishitantenan di Merca ta concentra practicamente pa 75% riba e area Noroeste so di Merca.

 

Mirando cu awor tin mas fondo disponibel pa mercadeo y promocion, haci pa cada florin bal mas na e momento di inverti den mercadeo.

 

Aruba ta ser mira y categorisa como un destinacion caro den region. Mas cu mita di su bishitantenan mes ta indica esaki.  Awor mas ainda mirando e medidanan fiscal cu a wordo introduci cu ta impuesto directamente riba e bishitantenan.

 

Otro area di preocupacion ta siguridad cu Aruba por ofrece su hendenan pero tambe su bishitantenan. Mas y mas ta registra casonan di robo y atake riba nos bishitantenan, cu por pone cu Aruba ta perde e imagen di ta un destinacion safe pa viaheronan.

 

Pa Partido MEP prioridad ta un turismo fuerte y sostenibel. Nos lo lucha pa mantene e producto turistico Aruba na un nivel di calidad y haci e industria aki mas productivo y rentabel, mirando su estado di saturacion na e momentonan aki.

Mester pone enfasis riba calidad y no cantidad y enfoca riba upgrading di e producto turistico Aruba. Drecha y crea atraccionnan turistico. Mester rejuvenece y reinventa e producto turistico.

Hunto nos ta logra mehora esaki. Dia 22 september, duna nos bo voto di confiansa. MEP su prioridad ta pa e trece e trankiliad economico bek pa nos pais.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio