Home » AVP: Aruba danki! Abo a haci Operacion Victoria asina grandi!

AVP: Aruba danki! Abo a haci Operacion Victoria asina grandi!

by sxm
0 comment 59 views

ORANJESTAD – Sin duda algun pueblo ta respalda Partido di Pueblo Arubano AVP. Cada invitacion y yamada cu ta haci, maske ta den un tempo cortico, ta haya un acogida masal for di e ciudadanonan. E ehempel mas reciente ta e Operacion Victoria cu e partido berde a tene diasabra ultimo. Faltando dos siman pa e dia grandi di eleccion Parlamentario 2017, kier sigura cu tur simpatizante di AVP tin e material di apoyo cu nan tin mester y ta desea di tin.

Di e manera aki, hunto cu e lista di candidatonan, a tene actividad na e diferente Cas di Partido rond di Aruba. Na cada centro a yega cantidad di hende pa bin busca bandera, banderin, tshirt y otro materialnan di nan candidatonan preferi. Na Cas di Partido principal na Playa tambe a ricibi tur esnan buscando nan carchi di miembrecia, como tambe esnan cu kier bira miembro nobo.

A registra un interes grandi tambe pa ricibi e Programa di Partido ‘Aruba Padilanti: 2017-2021’ pa cual partido AVP a laga traha hard copy. Pa tur esaki AVP ta yama nos comunidad danki; danki pa boso sosten continuo y pa demostra cu boso ta cla pa deposita boso confiansa un biaha mas den e ekipo di trabou cu ta mas capacitad y dispuesto pa sigui hiba Aruba dilanti.

Dia biaha kier extende un invitacion na henter pueblo di Arua pa e siguiente actividadnan grandi di Partido di Pueblo Arubano ta organisa. E prome lo ta diadomingo awo 17 di september, e gran Parada Historico na caminda pa victoria cu lo cubri Aruba di punta pa punta. Sin laga afo e tradicional Parada Luminoso cu cual AVP lo cera campaña diaranson 20 di september na Oranjestad. Keda pendiente di mas detaye di ambos ya cu nan lo bin den transcurso di siman.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio