Homber ta perde su bida, despues di a hoga na Conchi

Diasabra atardi a drenta informacion di un persona cu lo tawata pisca y despues pa un of otro motibo lo a cay na lama y hoga. Esaki tawata na Conchi.

Algun persona eybanda a haya e curpa y nan a pone un caminda y avisa autoridad, pa asina nan lo por transporte.
Mes ora cu e noticia a wordo conoci, park rangers y polis a dirigi nan mes pa e sitio.

Na e sitio, nan a haya e curpa sin bida di e homber y a trece na e entreda di Shete cu ta bay pa Conchi.

Pa 6:30 Dr Texier ta constata morto di e persona yama Richard Alberts Dirksz, Aruba 16 januari 1970 y biba na Shete, pues no mucho leu di e entrada pa bay drenta Parke Arikok.

Nos a kier a manda un palabra di condolencia na famia di e fayecido.