Home Uncategorized Parlamentario mr. Juan E. Thijsen (MEP): Partido MEP no tin nada di...

Parlamentario mr. Juan E. Thijsen (MEP): Partido MEP no tin nada di haci cu e investigacion di Ministerio Publico den e caso IBIS (ontheffingszaak, Paulgate).

SHARE

Parlamentario mr. Juan E. Thijsen a tuma nota cu e unico defensa cu ta sali pa cu e caso IBIS (ontheffingszaak, Paulgate) for di seno di AVP ta cu ta Partido MEP ta orkestra esaki.

Parlamentario mr. Juan E. Thijsen ta refuta esaki retundamente. MEP no tin nada di haci cu e investigacion di Ministerio Publico den e caso IBIS (ontheffingszaak, Paulgate).

Partido MEP como organisacion politico responsabel ta respeta e principio di Trias Politica y no ta mete e tarea di cada instancia. Ministerio Publico ta funciona independientemente di politica bao responsabilidad constitucional di Minister di Husticia. Ta bin acerca cu e investigacion ta haya ayudo di instancianan Hulandes riba cual mas cu logico Partido MEP no tin ningun influencia. E ponencia politico di AVP cu ta MEP ta orkestra e investigacion segun Parlamentario mr. Juan E. Thijsen ta hopi fofo ya cu si e tabata berdad mes awe lo tabata tin mas investigacion di no menos cu 6 Ministro y 3 ex Ministro cu tin duda riba nan, Ministronan Mike Eman, Benny Sevinger, Arthur Dowers, Michelle Hooiboer, Mike De Mesa, Paul Croes ya deteni y ex Ministronan Otmar Oduber, Richard Visser y Juan David Irausquin. Parlamentario mr. Juan E. Thijsen ta kere cu su persona y partido MEP a haci nan tarea como partido di oposicion pa indica constantemente pa 8 anja largo riba fayonan y fechorianan di AVP cu tin indicacionan fuerte di corupcion y di conflicto di interes y tambe cu organonan constitucional no ta worde respeta. Parlamentario mr. Juan E. Thijsen a tuma nota di rumornan cu e investigacion di Ministerio Publico den e caso IBIS (ontheffingszaak, Paulgate) no a origina na Aruba manera mester tabata ta pero cu ta den e caso di Rincon na Merca e nombernan di Ministronan Mike de Mesa y Paul Croes tabata briya anto Merca a pone precion riba Hulanda pa actua. Akinan Hulanda a manda su miho instancianan pa yuda den e investigacion. Parlamentario mr. Juan E. Thijsen ta spera cu esaki no ta berdad y cu ta nos propio Ministerio Publico a actua riba su mes y a cuminsa e investigacion. Esaki lo ta muestra cu nos sistema constitucional ta funciona y nos pais ta para riba su propio pianan. Parlamentario mr. Juan E. Thijsen ta urgi votadornan pa sigi e desaroyonan gubernamental, constitucional y politico aki di cerca y evalua bon ora di bai vota. Aruba no por permiti su mes un continuacion di hendenan sospecha y posiblemente sentencia tambe di corupcion. Esaki por deduci na e manera sistematico y methodicamente con Ministerio Publico ta hibando e asunto y ta deteniendo hendenan cercano di e Ministronan.

Na 2013 Parlamentario mr. Juan E. Thijsen y Partido MEP ya a avisa pueblo di fechorianan di AVP sinembargo pueblo a dicidi otro. Parse AVP a tuma esaki como signal pa “siga la fiesta”. Dia 22 di September vota e biaha aki pa algo sigur, vota MEP pa un gobierno integro locual nos pais merece. Hunto pe cambio sin miedo. MEP e unico alternativa.