Home » Minister Ing. Mike de Meza Green Corridor a crea oportunidadnan nobo pa San Nicolas

Minister Ing. Mike de Meza Green Corridor a crea oportunidadnan nobo pa San Nicolas

by sxm
0 comment 48 views

ORANJESTAD, Aruba: “Mi ta masha contento y orguyoso cu apertura di e brug aki. Specialmente pasobra e ta parti di un proyecto grandi, cu for di 40 aña pasa ta den plan pero cu e Gobierno aki tabatin e curashi politico pa ehecuta”, asina Minister di Turismo, Transporte, Energia y Medio Ambiente, Ing. Mike de Meza, a duna di conoce na ocasion di apertura di e brug na Pos Chikito.

E uza e modelo exitoso di paisnan desaroya, e concepto di Private Public Partnership (PPP). Aspectonan manera financiamento, diseño cu ta cumpli cu standard di calidad y mantencion di e obra, a bira temanan cu awendia nos funcionarionan por maneha facilmente. A traha cu entidadnan prestigioso manera Rijkswaterstaat, PriceWaterhouseCoopers, Deutsche Bank y sin lubida nos propio AIB-Bank. Tur documento a cana nan caminda legal, a haci destaho publico y construccion a cuminsa na februari 2016.

E brug nobo ta e icono di un era nobo di desaroyo, modernisacion y sostenibilidad. Su 92 meter di largura y structura halto ta visibel for di hopi leu, dunando un distincion cu Aruba ta un isla desaroya cu ta brinda su ciudadanonan un infrastructura moderno pa cumpli cu e demanda di capacidad. E no ta djis un structura di hero, beton y asfalt. E ta un plan integral cu ta cubri e necesidadnan di henter un comunidad.

E proyecto ta percura pa: 1. Tin un fluho mas eficiente y agradabel di trafico; 2. Brinda mas siguridad na e automobilistanan; 3. Crea espacio publico pa peaton y ciclistanan tambe por disfruta, un infrastructura pa hende y no djis autonan; 4. Creacion di cuponan di trabou y oportunidadnan economico pa San Nicolas y henter e trayecto; y finalmente 5. Mehoracion di nos isla como producto turistico.

“Pabien Aruba cu bo brug nobo”, asina e mandatario a finalisa bisando. Como Minister cu ta biba na San Nicolas, e ta reconoce e importancia pa por mehora e fluho di trafico, specialmente durante e oranan “peak” cu tur hende ta bay trabou of ta regresa cas. Cu e proyecto di Green Corridor, sin duda lo mehora calidad di bida di tur nos hendenan.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio