Home » MEP: Cuido Medico: Ehecuta Plan Nacional Di Prevencion (PNP)

MEP: Cuido Medico: Ehecuta Plan Nacional Di Prevencion (PNP)

by sxm
0 comment 71 views

Partido MEP ta realisa cu prevencion ta e solucion pa cuido di salud y especialmente e costo di cuido di salud riba termino largo. Esey ta e motibo pa cual nos ta pone prioridad na prevencion.

 

Nos lo enfoca mas riba un plan di prevencion proactivo, na unda ta pone enfasis tambe riba

educacion y informacion riba plannan di ehercicio (movecion) y nutricion (alimento saludabel), y introduci sistema di chekeo obligatorio (incluyendo chekeo dental).

 

Prevencion proactivo ta crea e posibilidad pa detecta un cantidad significativo di enfermedad como tambe adapta un miho estilo di bida na tempo.

 

E concepto di prevencion lo duna su fruto disminuyendo e tendencia di e gasto medico a largo plaso. E implementacion di medicina preventivo ta bay drenta manera un rescate pa e cuido medico actual cu ta basicamente curativo. 

 

Aruba su poblacion actual ta duna e capacidad pa por tin un control preventivo pa henter e comunidad. Ehecutando e plan aki nos ta preveni un gran mayoria di enfermedadnan cronico cuminsando na enfermedad cardiovascular por ehempel.

 

MEP kier adapta y uza e areanan di MFA (Area/Edificio Multifuncional/Hulpbestuurskantoornan) na Noord, Paradera, Sta. Cruz y Savaneta pa crea Puntonan di Control di Medicina Preventivo (PCMP). E lugarnan aki lo brinda e capacidad pa realiza control y screening preventivo cu medico general y nutricionista. Esaki ta trece cuido medico mas cerca di cas y tambe ta duna mas oportunidad pa conta cu mediconan disponibel pa facilita e bishitanan na cas (cuido medico na cas) pa e pashentnan cu tin problema cu mobilidad (pashent na cama of den rolstoel). Esaki tambe ta facilita e acceso y ta mehora e atencion pa e cuido medico pa nos grandinan. 

 

Prevencion ta cuminsa cu educacion na unda ta importante pa ehecuta programanan di prevencion na scol. Pa medio di charla  educativo y interactivo cu ta involucra, educa y encamina e hobennan pa cu un estilo di bida saludabel.

 

Enfoke y digitalisacion di e problemanan di salud den nos poblacion (Sobre Peso, Obesidad, Hipertension, Diabetes, Nutricion, Cancer etc.)

 

Ta importante den e momento di control preventivo pa tuma registro di datonan importante y acumula nan den un solo sistema electronico pa crea un base di dato di nos poblacion riba un nivel nacional (tambe ta inclui informacion di nutricion y estilo di bida). Esaki ta bay brinda nos e capacidad pa por resalta otro enfermedadnan of comportacion socio-cultural importante cu porta nos ta lagando afor di enfoke y cu lo tin mester di atencion (esaki ta crea caminda pa futuro creacion di programanan mas enfoca pa nos necesidad como comunidad).

 

MEP ta cla pa haci e cambionan aki den cuido medico. Cu bo sosten nos ta logra hisa e nivel di cuido medico den tur aspecto.

 

 

 

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio