Home » Lo educa y y introduci leynan di conscientisacion Otmar Oduber lider POR: ‘Rapport cu solucionnan pa dump tey, curashi mester tin pa ehecuta’

Lo educa y y introduci leynan di conscientisacion Otmar Oduber lider POR: ‘Rapport cu solucionnan pa dump tey, curashi mester tin pa ehecuta’

by sxm
0 comment 54 views

Locual cu POR ta compromete como partido ta cu POR den e proximo gobernacion durante di e prome 100 dianan lo tuma un desicion pa e solucion definitivo di loke ta nos dump. Nos sa cu ketobay tin un problema cu crecemento di sushi akinan na Aruba y tin diferente rapport cu a wordo haci cu a trece diferente posibel solucionnan riba mesa. Aworaki mester e curashi pa tuma e desicion definitivo aki.

Plataforma politico POR a bisa semper cu pa yega na un solucion pa e problema di dump ta un combinacion di esfuerso mester tuma luga. Mester cuminsa educa comunidad di Aruba cu mester cuminsa separa sushi y percura cu e proceso aki ta cuminsa na cas caba. Hunto cu esaki mester percura pa por participa den e gastonan cu esaki lo encera unda cu gobierno tambe lo tin un rol aden. Den tur rapport cu ta existi y cua solucion cu wordo scogi ta wordo ilustra cu e no ta un negoshi cu gobierno lo mester subsidia esaki y e lo no bira un negoshi cu bo ta gana placa cu ne.

“Nos ta mira den direccion di sigui traha cu Serlimar y ta elogia e cambio grandi cu tin ultimo tempo den e forma di recogemento di sushi den nos Pais.” POR lo sigui duna contenido na Serlimar pa nan continua haciendo e trabou aki y duna nan e balor tambe pa esaki. Combina cu companianan priva cu ta existi na Aruba y si mester cu participacion internacional, pa soluciona e problema aki definitivamente.

Ora cu ta papia cu ta papia di dump ta papia tambe di e dumpnan ilegal cu tin tur rond di isla. E ta un cuestion di cambio di mentalidad cu mester tuma luga den comunidad. Hendenan mester realisa cu no solamente pa e pa e parti di higiena y salud di nos mesun hendenan eskai ta importante, pero e ta un factor determinante tambe pa nos turismo cu ta nos pilar economico. Pa logra esaki lo introduci leynan di conscientisacion cu ta cuminsa na scol cerca nos muchanan te na hende grandi. Henter Aruba ta responsabel pa carga y evita cu ta sigui susha nos Pais. Finalmente, lo mester evalua tambe pa inverti den un “incinarator”: cual ta un aparato cu ta kima sushi cu no por wordo separa of reusa.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio