Home Uncategorized Rumor cu mas detencion lo a cay den e caso grandi di...

Rumor cu mas detencion lo a cay den e caso grandi di IBIS, no ta cuadra cu e berdad

SHARE

Oranjestad: Den oranan di merdia, vocero di Ministerio Publico, Ann Angela a desmenti e rumornan persistente cu ta coriendo rond, referiendo na e caso IBIS, cu lo a detene un persona mas.

Durante dia tabata tin mensahenan di whatsapp den circulacion y tambe riba medionan social, mensahenan cu lo a detene un chauffeur di un Ministro, pero esaki no ta cuadra cu e berdad.                    Ann Angela a duna di conoce, cu si acaso bin un of mas detencion, mesora lo informa prensa di esaki .

Arubanative.com ta keda pendiente pa cualke informacion addicional cu sali for di Ministerio Publico, mesora lo publica esaki.