McDonald’s ta lansa e coleccion nobo di co’i hunga Emoji, E Pelicula den su “Happy Box”
ORANJESTAD, Aruba: “Happy Box” lo ofrece un coleccion nobo di co’i hunga pa celebra e exito di Emoji, E Pelicula, un di e aventuranan anima di Sony Pictures. Durante henter luna, mayornan y muchanan lo tin e oportunidad di conoce di cerca e personahenan, crea nan propio aventura y siña hungando den e restaurantnan di McDonald’s.
A traves di co’i hunga entreteni nan lo por pone bira un realidad e uzo di e emojis y conta cu un herment pret di cual tur dia nos ta haci uzo di dje pa acompaña e palabranan y expresa e sentimentonan.
E coleccion lo inclui 10 co’i hunga di plush specialmente diseña pa mustra e diferente emocionnan di e personahenan di Emoji, E Pelicula. Cada un di nan lo tin un diseño geprint na ambos banda y lo conta cu un clip pa colga den e rugtas of tasnan y, asina, acompaña e chikitinnan durante e momentonan di hunga y di recreacion.
E personahenan pret di e luna aki ta:
- Dori
- Gene 2
- Pushi cu wowo di curason
- Hi-5
- Stop
- Gene 1
- Lady Hacker
- Macaco
- Dou
- Cacho cu ta baba
Tocante Emoji, E Pelicula
Emoji: E Pelicula ta devela e mundo nunca antes mira paden di e telefonnan celular. Scondi patras di e app di mensahenan ta haya Textopolis, un ciudad unda tur nos emojis faborito ta biba cu e speransa di por wordo scogi. Den e mundo aki tur tin un expresion di cara unico, cu excepcion di Gene, un emoji exuberante cu a nace sin filter y ta capaz di mustra expresionnan multiple. Dicidido di por ta “normal” manera e otro emojis, Gene ta reclama e ayudo di su miho amigo Hi-5 y e descifrado di codigonan Jailbreak pa hunto bay den un aventura a traves di e apps di e telefon, cada un cu nan mundo propio, salvahe y diberti, cu e obhetivo di haya e codigo cu por haci e coreccion. Na momento cu un peliger mayor ta menasa e telefon, e destino di tur e emojis ta depende di e tres amigonan aki, cu lo ta haci intento di salba nan mundo prome cu wordo elimina pa semper. Emoji: E pelicula ta dirigi pa Tony Leondis y produci pa Michelle Raimo Kouyate. E guion ta di Tony Leondis, Eric Siegel y Mike White, cu e storia di Tony Leondis y Eric Siegel. “Emoji” ta Marca registra di Emoji Company GmbH utilisa bao licencia.
E diversion ta continua den e restaurantnan
Cu e edicion nobo di e “Happy Box”, McDonald’s ta continua ofreciendo momentonan di diversion pa haci di cada bishita un experiencia unico y inolvidabel pa comparti den famia.
Durante augustus, e restaurantnan lo conta cu weganan, actividadnan y materialnan di Emoji, E Pelicula specialmente pensa pa entretene e muchanan y tambe e adultonan den un espacio yen di emocion.
Nutricion na McDonald’s
E “Happy Box” ta conta cu un variedad amplio di opcionnan pa asina cada mucha cu ta bishita McDonald’s por cumpli cu e rekerimentonan energetico cu Organisacion Mundial di Salud ta recomenda. Algun di e productonan cu e “Happy Box” ta ofrece ta awa, juice natural sin sucu agrega, fruta fresco, dessert lacteo, hamburger cu keshi y porcion di batata, cualnan no ta supera 600 caloria.
Pa mas informacion por bishita www.mcdonalds.com.
Tocante Arcos Dorados
Arcos Dorados ta e mayor frankicia di McDonald’s rond mundo den terminonan di benta den tur e sistema y den number di localnan. E compania ta e cadena di restaurantnan di fast food (“QSR”) mas grandi na Latino America y Caribe. Tin e derecho exclusivo di posee, opera y otorga frankicianan di localnan McDonald’s den 20 pais y teritorionan di Latino America y Caribe, incluyendo Argentina, Aruba, Brasil, Chile, Colombia, Costa Rica, Curaçao, Ecuador, Guyana Frances, Guadalupe, Martinica, Mexico, Panama, Peru, Puerto Rico, St. Croix, St. Thomas, Trinidad y Tobago, Uruguay y Venezuela. E compania ta opera of frankicia na mas di 2100 restaurant McDonald’s cu mas di 90.000 empleado y ta conoci como un di e miho empresanan pa traha na Latino America. Arcos Dorados ta cotisa den e Bolsa di Balor di New York (NYSE: ARCO). Pa mas informacion riba e Compania, por fabor bishita e seccion di Inversionistanan di nos website: www.arcosdorados.com/ir.
Tocante Sony Pictures Animation
Sony Pictures Animation ta produci un variedad grandi di entretenimentonan anima pa henter famia, destina na audiencianan di mundo henter. E studio a realisa exitonan manera: Hotel Transilvania y Hotel Transilvania 2, e peliculanan di live-action di The Smurfs y The Smurfs 2, y e tentador Cloudy with a chance of meatballs. Tambe e pelicula completamente anima di The Smurfs: the lost village, awo disponibel den formato digital y Blu-ray. Awo ta lanza Emoji: E pelicula, un storia sorprendente y comico den e mundo secreto paden di nos telefonnan; na December ta yega e pelicula inspirador The Star; na Juli 2018 Hotel Transilvania 3; y na December 2018, un version anima di Spider-Man, di e directornan Chris Miller y Phil Lord. E studio, hunto cu Aardman Animations, a produci dos pelicula aclama pa e critica: E comedia familiar Arthur Christmas: Operacion Regalo; y e pelicula nomina na e premio di e Academia: Pirates: A crazy aventure. Na 2007, Reynan di e Olanan tambe a ricibi un nominacion pa e premionan di e Academia como miho pelicula anima; un secuela titula “Surf’s Up 2: Wavemania” ta disponibel den DVD. Sony Animations, di cual e prome feature flim: Amigonan Salvahe (Open Season) a converti den un frankicia exitoso di peliculanan, incluyendo e temporada nobo di Open Season: Scared Silly, awo disponibel den formato digital, DVD y Blu-ray, a wordo crea na 2002. Sony Pictures Animation ta un division di Sony Motion Pictures Group.
- Webpage: http://www.sonypicturesanimation.com/
- Facebook: https://www.facebook.com/SonyPicturesAnimation
- Twitter: http://twitter.com/sonyanimation
- Tumblr: http://sonyanimation.tumblr.com/
- YouTube: http://www.youtube.com/user/SonyAnimation
Tocante Sony Pictures Entertainment
Sony Pictures Entertainment (SPE) ta un subsidiario di Sony Entertainment Inc., un subsidiario di Sony Corporations cu sede na Tokyo. E operacionnan global di SPE ta abarca e produccion, adkisicion y distribucion di peliculanan cinematografico; produccion, adkisicion y distribucion di television; television networks; creacion y distribucion di contenido digital; operacion di instalacionnan di e studio; y desaroyo di productonan nobo di entretenimento, servicionan y tecnologianan. Pa mas informacion, bishita http://www.sonypictures.com.