Home » MEP: Calidad di Enseñansa lo ta prioridad pa MEP

MEP: Calidad di Enseñansa lo ta prioridad pa MEP

by sxm
0 comment 60 views

Pa un pais desaroya bon, e mester tin un bon sistema di enseñansa. Un bon sistema di enseñansa mester ofrece tur hende espacio pa nan por desaroya tur conocemento, habilidad y actitud cu nan mester, pa nan por funciona bon y logra exito den nan bida. Ta pa e motibo aki, pa Partido MEP, enseñansa lo haya e prioridad den nos proximo gobernacion.

 

MEP lo traha pa tur hende por gosa di nan derecho di por ricibi enseñansa pa asina nan ta

exitoso den nan bida y contribui na e desaroyo di nos pais. Pa por logra esaki e siguiente aspectonan lo tin prioridad:

 

ENSEÑANA ACCESIBEL PA TUR HENDE:

  • Lo duna sistencia financiero pa studiantenan cu no por cumpli cu e peso financiero di e estudio.
  • Cumpli debidamente cu e financiamento di scolnan conforme e leynan vigente, pa evita cu scolnan mester cobra mayornan contribucion halto.
  • Revisa e sistema di otorgacion di fiansa di estudio actual, y dirigi esaki mas tanto posible riba e necesidadnan riba nos mercado laboral, y garantizando asina e studiante empleo na Aruba despues di su estudio, den e ramo cu el’a studia.
  • Brinda studiantenan fiansa di estudio sin interes, pa estudionan avansa.
  • Amplia educacion profesional pa adulto, drop-outs, hobennan cu a cay den man di husticia y hende special.
  • Duna oportunidad pa studia online y reconoce e estudionan aki. Involve nos profesionalnan cu ta biba afor pa medio di programanan innovativo y educativo pa asina nan por contribui cu conocemento, experticio y guia (‘mentorship’) na hobennan profesional local y ‘enterpreneurs’ local.

 

REFORMA ENSEÑANSA:

  • Cambia structura di curiculo y orario di scol.
  • Introduci 8 “examenvak” pa tanto VWO, HAVO como MAVO y cambia e sistema di evaluacion y puntuacion di cifra pa letter similar na e sistema.
  • Amplia e cantidad di facultadnan tanto na EPI como na Universidad di Aruba y crea mas facilidad pa studia na Aruba mes.
  • Nos mester focus riba nos scolnan/institutonan di enseñansa superior aki na Aruba mes y traha hunto cu universidadnan den exterior riba tereno di e-learning.
  • Logra haya acreditacion internacional pa Colegio EPI como instituto na unda por finaliza un estudio cu un Associate Degree den tur ramo.
  • Y evalua un Bachelors Degree program den e ramonan di Nursing (cuido medico) y “Information and Communication Technology”, Civil/Electrical/Industrial Engineering (bouwkunde/wertuigbouwkunde/ informatica/electrotechniek) y “Data Science” , cu ta ramonan di estudio cu Universidad di Aruba no ta ofrece na nivel di “Bachelors”.

Busca cooperacion riba e tereno aki cu University of Curaçao y tambe institutonan na Hulanda.

 

  • Digitalisa Enseñansa; brinda formacion na docentenan na IPA pa prepara nan pa Enseñansa digitalisa / ICT, e ramo cu ta brinda mas perspectiva pa futuro Digitalisacion di Enseñansa.
  • Mester introduci internet den tur scol, smart boards/digi-boards, tablets/ i-pads.
  • Cambia sistemanan actual di Enseñansa profesional (EPB /EPI) y dirigi’e riba necesidad di trabao na Aruba awe, y necesidad den futuro teniendo cuenta cu advancenan tecnologico.
  • Institui un Fondo Nacional pa Innovacion di Enseñansa, banda di e fondo di Enseñansa regular.

 

Partido MEP ta realisa cu un pueblo cu bon educacion ta un pueblo cu vision y futuro. Educacion ta e forma mas efectivo pa combati pobreza y problemanan social y ta trece desaroyo economico.

Pa e motibo aki MEP lo duna prioridad na enseñansa di calidad brindando oportunidad na tur hende pa studia. Dia 22 di septemer, brinda bo sosten na sra Evelyn Wever-Croes y Partido MEP pa garantisa enseñansa di calidad pa nos pais. Ban hunto p’e cambio.

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio