ORANJESTAD – Na september proximo Iniciativa pa Desaroyo di Empresa Arubano (Idea) ta presenta su curso “Empresario Prepara II” cual ta organisa conhuntamente cu Enseñansa Pa Empleo (EpE). Meta di e curso aki ta pa yuda nos clientenan administra nan negoshi den un forma eficiente y engrandece e nivel di informacion y strategia con pa haci di nan negoshi uno exitoso.
E curso ta consisti di e siguiente topiconan:
- Creating a culture of Innovation
- Small Business Administration & Finance
- Small Business Tax
- Developing Brand Awareness for Customer Satisfaction
“Empresario Prepara II” lo cuminsa dia 12 di september 2017 y ta consisti di 20 les (13 siman largo, dos biaha pa siman, riba diamars y diaranson). E curso lo termina 21 di november 2017. Horario ta di 7.00’or pm pa 9.15’or pm y pa e lesnan lo tin un schedule cu lo mester tene cuenta cune. Localidad di curso ta ‘Enseñansa Pa Empleo’ situa na Engelandstraat 33, Eagle.
Curso “Empresario Prepara II” ta costa Afl. 300,- y mester wordo paga completo prome cu e curso cuminsa.
Criteria pa atende curso “Empresario Prepara II”:
- Diploma of Certificado di “Empresario Prepara I” ta necesario.
- Mester tin conocemento di computer
- Conocemento basico di Papiamento, Hulandes y Ingles ta necesario.
Pa informacion y inscribi por yama oficina di Idea na 5821181 ext. 439 of ext. 440 of pasa personalmente na Departamento di Asuntonan Economico, Comercio y Industria na Sun Plaza di 2 Piso.
Tambe por like Idea su Facebook pagina: Idea-Aruba of via email: [email protected] of [email protected] pa mas informacion.