Home » Royal Level Manager, Sandra Steba: Ami ta Turismo Traha den turismo ta algo cu mester bin di bo curason

Royal Level Manager, Sandra Steba: Ami ta Turismo Traha den turismo ta algo cu mester bin di bo curason

by sxm
0 comment 80 views

ORANJESTAD, Aruba: Barceló Aruba tin hopi empleado ehemplar y den e caso aki Sandra Steba ta uno. Nan ta bon empleado y hendenan dedica, asina e HR Manager, Jane Braafhart a duna di conose. Pa Barcelo no tabata facil pa scoge un empleado pa forma parti di e programa di AHATA, “Ami ta Turismo”. Pero ora di pone tur hende riba un linea, tabata e Royal Level Manager, Sandra Steba ta esun cu mas a resalta.

 

E bishitantenan ta papia bon di Sandra Steba y esaki a pone cu el a resalta. Tur siman mas di 10 hende tin cos bon di bisa di Sandra Steba, kende ta un persona hopi dedica na su trabou. “Tin biaha nos ta bis’e cu e tin cu calma su mes un poco, pasobra e ta tuma e cosnan hopi personal ya cu e ta desea pa tur cos bay perfecto cu e turistanan”, Jane Braafhart a duna di conoce. Empleadonan di Barcelo ta bis’e cu e ta adicto na su trabou, pero na mes momento nan ta gusta con e ta traha y su empleadonan ta sigui e ehempel di Sandra Steba. Esey ta loke ta importante. Por bay y laga Sandra Steba keda encarga cu e departamento, pasobra nan sa cu tur cos ta sali bon. P’esey nan a tuma e decision cu Sandra Steba ta esun pa papia den nomber di e compania.

 

Loke cu mas hopi por tende di e bishitantenan tocante Sandra Steba, ta cu e semper t’ey pa bay e extra miya y semper ta haci un tiki mas pa nan. Por ehempel si no tin algo den hotel cu e bishitante mester, e ta sali bay cumpr’e pa nan y tin biaha cu su mesun placa, pero dimes e ta hañe bek. “Mi ta invita e muchanan jong pa drenta den e rango di turismo. Pasobra den e direccion aki bo ta siña hopi y bo tin chens di bay dilanti rapidamente. Pa traha den e ramo di turismo, e persona mester por gusta traha cu hende. Si bo no gusta traha cu hende, e trabou no ta pa bo’’ Sandra ta conseha. “Si bo ta traha cu hende, nos ta bisa bon bini na tur hende pa bin traha den e ramo aki; pasobra e ta un experiencia cu mi no por splica bo, pero bo mester bin pasa den dje”.

 

Sandra Steba a drenta den e ramo di turismo 10 aña pasa y el a hacie door di decision propio. Den corant el a mira un aviso p’e posicion di “guest services conciërge” y el a aplica pa esaki. Sandra Steba tabata contento cu el a haña e posicion y despues di 1 aña y mey el a keda promovi como “guest services coordinator”. Pa 2 aña despues el a bira guest services manager, pero awo e ta bay haci 4 aña como Royal Level Manager. Den e transcurso di 10 aña, el a crece den e compania. Sandra Steba ta sinti cu loke e ta haci no ta su trabou, mas bien su hobby pasobra loke e ta haci tur dia e ta haci esaki cu placer. Tur dia e ta un reto di spera algo nobo di bishitantenan, pero tambe e ta percura pa tur dia tin un experiencia nobo pa asina turistanan tin hopi gana di bolbe.

 

A base di e review cu bishitantenan ta yena, nos por bisa cu loke ta pone cu bishitantenan ta keda corda

Sandra Steba ta su sonrisa y servicio. Tur loke e ta haci ta bin di su curason.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio