Home » Polis ta logra pone man riba dos sospechoso, cu lo a comete ladronicia na un cas na Bakval

Polis ta logra pone man riba dos sospechoso, cu lo a comete ladronicia na un cas na Bakval

by sxm
0 comment 58 views

Bakval, Alto Vista: Dialuna den oranan di merdia ta drenta un informacion cu na un cas na Bakval lo tin un posibel caso di atraco. Un persona lo a mira un Honda Fit preto cu tres homber ranca bay, e hombernan a sali cu maleta for di un cas cu nan no ta biba na dje.

Mesora polis  a bay na e sitio y un patruya cu tabata riba e caminda a topa cu e auto aki y a dicidi di sigi e auto. E auto a bira na altura di Cafe 080 bay ariba, e personanan den e auto a nota cu polis ta siguiendo nan, na altura di Motin Snack nan a bira bay zuid y hopi mas pazuid, e polisnan a bin topa cu e auto laga atras. Un testigo na e sitio a bisa e polisnan cu ela mira nan baha for di e auto y a core drenta mondi.

Varios patruya a yega na e sitio y a cuminsa cu un buskeda den e mondi. Despues di un rato ta drenta un informacion cu un persona lo a mira dos hende desconoci den su cura di cas, cu ta keda un poco pazuid di e mondi y a bisa polis cu e dos personanan aki tabata kibrando e porta di cas pa drenta paden. Mesora polis a bay na e cas y a rondona esaki. Na dado momento un di e sospechosonan a sali na careda y den coremento ela cay, polisnan mesora a logra detene e prome sospechoso, despues di un rato un polis a topa cu e di dos sospechoso scondi bou di un auto y a deten’e tambe.

E di tercer sospechoso no a wordo encontra, pero autoridad ta na altura di su identidad y si e no entrega su mes na tempo, e chens ta grandi cu elo por wordo buska pa team di aresto. Esaki lo nifica cu un ora pa otro nan lo por drenta cas di su mayornan y bay cune. E tres personanan aki ta sospechoso di ladronicia den e cas na Bakval.

E Honda Fit preto cu e sospechosonan tabata aden a keda confisca pa mas investigacion. Den e auto no a haya niun maleta pero si un cellular.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio