Home » Post Aruba N.V. ta pidi colaboracion di henter comunidad Purba tene bo cacho mara y pone un postbus na alcance di e partidonan di carta

Post Aruba N.V. ta pidi colaboracion di henter comunidad Purba tene bo cacho mara y pone un postbus na alcance di e partidonan di carta

by sxm
0 comment 55 views

Oranjestad- Aruba: Pa hopi aña caba e partidonan di carta ta confronta nan mes cu un situacion basta incomodo cu ta stroba nan di haci nan trabao debidamente y eficientemente. Ora di parti post rond di Aruba, nan ta bin ta topa cu cachonan agresivo riba caminda cu ta impedi nan di laga e cartanan den e postbus.

 

Tin partidonan cu a wordo persigui, ataca y mordi pa e cachonan cu tin dilanti di cas of den cura. Otro a yega di cay kibra su pia cu e scooter purbando di huy di un cacho cu a purba atake. Y no ta solamente esey. Nan ta bin ta topa cu casnan cu no tin postbus of cu e cachonan paden den cura ta stroba nan di bay deposita e carta of paki. Ta pa e motibonan aki cu Post Aruba N.V. kier conscientisa comunidad pa wanta nan cachonan mara, paden, y no den cercania di e postbus.

 

Banda di esaki e peticion ta bay pa esunnan cu no tin postbus pa laga instala of pone un postbus dilanti di cas. Haciendo esaki lo evita pa ora cu e partidonan bay entrega post nan mester lagu’e caminda nan por perde, bula cu biento, muha cu awasero, of nan no ta lagu’e mes pa siguridad di e cliente.

 

Entrega di post te na porta di bo cas ta un responsabilidad hopi grandi. Post Aruba N.V. kier conscientisa comunidad di e importancia di esaki. Gerencia y staf di Post Aruba N.V. ta gradici comunidad di Aruba pa e colaboracion y comprension.

 

Pa informacion riba servicionan di Post Aruba N.V., bishita e website www.postaruba.com of check nan paginanan riba Facebook, cu ta Post Aruba NV y Aruba Stamps.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio