76
Edisonstraat – Diabierna anochi algo pasa di 11’or, casi un ora despues cu e atraco a tuma luga na Moko, Flex team di polis a duna un motociclista riba un scooter ordo pa para, pero esaki no a sigui ordo di e unidad. Mesora a cuminsa un persecusion
Den companashi
Flexteam a keda persigi e scooter, posiblemente pa motibo cu nan lo kier a haci un control riba dje, relaciona cu e atraco cu a sosode algun rato prome na Mokomarket, caminda e atracadornan arma a bandona e sitio ariba un scooter.
Pariba di e crusada di Toricellistraat cu Edisonstraat, e motociclista a perde control y ta accidenta, e la dal contra un auto staciona.
Motociclista deteni y levemente herida
E motociclista a cay y a keda levemente herida, Flex team mesora a detene e motociclista y a pidi pa transportwagen transport’e pa warda di Polis na Playa.
Algun rato despues ambulance a presenta na Warda di polis pa atende e motociclista cu tabata herida, e tabata tin varios rasca na su curpa, no ta conoci si ela wordo hiba hospitaal of personal di ambulance a trat’e na Warda mes.
Algo cu no ta wordo practica mas
No ta conoci e motibo exacto pakiko e team aki a persgui e scooter, mirando cu e ta un practica cu no ta wordo aplica mas, debi cu den pasado un motociclista a yega di perde su bida durante un persecusion.