Home Uncategorized Carta habri di MEP na prome minister Eman relaciona cu situacion di...

Carta habri di MEP na prome minister Eman relaciona cu situacion di minister Paul Croes

SHARE

Oranjestad: Fraccion di MEP a manda un carta na Prome Minister di Aruba, relaciona cu e situacion di Minister Paul Croes.

Siman pasa Aruba a wordo conmovi un biaha mas cu e detencion di un Minister di Aruba den funcion. Minister Paul Croes ta wordo sospechoso di cargonan hopi serio. Y recientemente su detencion a wordo prolonga cu 16 dia y a wordo traslada pa KIA, esaki ta prome biaha den historia no di Aruba so, pero di Reino tambe cu un minister ta keda den funcion , cu tur previlegio y ta cera den prison.                       Segun e fracion di MEP esaki ta causando hopi daño na e intergridad y imagen di Aruba.

E fraccion geel ta hopi precupa cu esaki mirando cu tin otro instancianan, entre otro conseho di Minister di Reino, cu ta vigilando e desaroyonan aki di serca y cu nan por tuma pasonan un biaha mas y mina nos autonomia mas. 

Mep a haci un apelaciona fuerte riba Prome Minister Mike Eman pa retira e Minister di su funcion y asina demostra e madurez cu nos pais mester demostra, cu nos mes por atende cu nos asuntonan y evita asina cu otro bin atende nan pa nos.