Pasahero procedente di Hulanda a trata na drenta Aruba cu droga, su intento a fracasa y ela keda deteni

Oranjestad, Aeropuerto internacional Reina Beatrix: Dialuna den oranan di atardi un pasahero cu a caba di yega for di Hulanda a trata na drenta  Aruba cu droga, pero su intento a fracasa na momento cu autoridadnan local na airport a detecta e droga.

Mesora ela wordo deteni y entrega den man di e team di recherche di narcotica. E droga a keda confisca y e sospechoso a wordo transporta pa warda di recherche pa interogacion y pa asina por cuminsa cu un investigacion.