Home » Lactatiekundige/specialista di lech’i pecho, Minouche Lopez Ta importante pa hunto promove lechi materno

Lactatiekundige/specialista di lech’i pecho, Minouche Lopez Ta importante pa hunto promove lechi materno

by sxm
0 comment 58 views

ORANJESTAD – Aruba: Specialistanan riba tereno di lech’i pecho, Minouche Lopez trahando na Directie Volksgezondheid DVG y Marlene Giel alavez enfermera trahando na Dr. Horacio Oduber Hospita, a regresa for di un conferencia di “Global Access to Skilled Lactation Care” cu a tuma luga na comienso di augustus na Toronto. E conferencia aki ta cuadra exactamente cu locual Directie Volksgezondheid tin den su maneho di prevencion pa Aruba. E aña aki e tema di Siman Mundial di Lech’i Pecho, 1-7 di augustus, ta “Sustaining breastfeeding together” y esaki ta algo cu tur hende na Aruba por contribui na dje.

 

Brinda apoyo na dunamento di lech’i pecho ta ora mamanan ta encurasha otro den dunamento di lech’i pecho. No solamente e pareha, famia y amistad, pero tame e personanan cu ta traha den cuido medico mester traha mas uni pa brinda e miho servicio na mama y yiu. Mester mas cooperacion intre organisacion den region cu ta promove lech’i pecho, asina e topico ta keda un punto di atencion riba agenda politico y por wordo carga pa comunidad.

 

Diferente meta di “Sustainable Development Goals” ta aplicabel pa Aruba logra prome cu aña 2030. Algun di nan:

  • Informa publico tocante lech’e pecho for di momento di embaraso te na momento cu un baby recien naci haya y continua haya lech’i pecho.
  • Mas union entre esnan cu ta trahando den cuido di mama y yiu y sa di nan tarea importante pa ofrece cuido optimal durante e periodo cu mama ta duna su yiu lech’i pecho. Tambe kico e trabou di un specialista di lech’i pecho ta y kico e por nifica pa comunidad.
  • Compromiso pa yuda crea un area di interes comun.
  • Promove trahamento hunto cu apoyo di gobierno, AZV y tur instancia cu ta traha cu mama y yiu.

 

Minouche Lopez y Marlene Giel a keda acerca pa e ‘International Board of Lactation Examinars (IBCLE) pa bira e “countrypoint coordinators” di Aruba  pa asina promove e profesion di specialista di lech’i pecho (IBCLC), implementa un maneho nacional na Aruba y full den Caribe. A pidi nan pa motibo cu tanto Lopez como Giel ta e uniconan den region cu tin e habilidad profesional aki, esta specialista di lech’i pecho y cu ya nan a traha un Plan di Maneho Nacional di Lech’i Pecho pa Aruba. E idea ta pa introduci e specialismo y stimula cu ta bin cu maneho den region tambe. Awo cu hospital lo expande, lo introduci algun maneho cu ta poni den e Plan di Maneho Nacional di Lech’i Pecho. Poco, poco tur trahando den e area di cuido di mama y yiu ta yega mas cerca otro pa crea e ambiente ideal caminda tur mama por duna nan yiu lech’i pecho den e temporada cu nan desea. Dunamento di lech’i pecho ta sostenibel ora salud di mama y yiu ta mehora, tin un efecto positivo riba medio ambiente, economia y riba mercado laboral.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio