Home » Garage Cordia ta orguyoso di ta e prome pa ricibi e modelo aki Jasmine Simon a ricibi e prome Lexus NX300 den Caribe

Garage Cordia ta orguyoso di ta e prome pa ricibi e modelo aki Jasmine Simon a ricibi e prome Lexus NX300 den Caribe

by sxm
0 comment 77 views

ORANJESTAD, Aruba: Garage Cordia a haci entrega di yabi di e auto nobo, esta un Lexus NX300, na AIB Bank N.V. Director adhunto di AIB Bank N.V., Jasmine Simon, tabata contento di ricibi e auto cu tanto nan tabata warda riba dje. Garage Cordia a entrega e prome NX300 Lexus, cu  pa algun aña caba tabata purba di haya esaki pa Aruba.

 

E modelo aki ta uno hopi gusta rond di mundo, asina CEO di Garage Cordia, Danilo Werleman a expresa. Pa por a trece e auto aki Aruba, a tuma su tempo pasobra Lexus kier pa trece e autonan na e momento corecto den mercado.

 

Entrega di auto na Jasmine Simon a bay hopi bon, kende un biaha mas a pone su confiansa den Lexus y e ta prome persona cu a ricibi e model di auto aki den henter Caribe! E auto aki ta Hybrid y esaki ta loke Toyota Lexus ta kere den dje. E Lexus ta un auto cu no unicamente ta luho, pero e tin calidad y ta duradero. Pero pa un consumido, e auto aki ta hopi mas economico den su uzo.

 

Mester a bestel e model di e Lexus aki, pasobra aki na Aruba no tin e y awo AIB N.V. ta esun cu lo core cu e model aki na Aruba. “Mi ta contento cu awor el a yega y mi por a logra cambia e auto”, Jasmine Simon a comenta. E Lexus aki ta mas grandi y mas bunita y esaki a pone cu Jasmine Simon ta mas contento atrobe cu su auto. E auto anterior ta un Lexus cual pa basta tempo e ta famia di e model aki. E ta haya cu e calidad di Lexus ta bon, e ta representativo, e auto ta mustra nechi unda cu bay.

 

A funda Garage Cordia Aruba na Juli 1965 ora cu a bestel e prome 12 autonan di marca Toyota pa nos isla. Awendia, despues di mas cu 50 aña, keto bay e compania tin e record di a bende mas auto den historia di nos pais, tanto como agencia como tambe e marca Toyota. Nan ta conoci specialmente pa e bon calidad di e autonan, pero sin lubida cu nan ta e unico cu tin un surtido grandi di piesa pa drecha of ora di “service” e vehiculonan.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio