Home » Bureau MFA cu anochi informativo encuanto Sistema Electoral na Aruba

Bureau MFA cu anochi informativo encuanto Sistema Electoral na Aruba

by sxm
0 comment 70 views

ORANJESTAD – Bureau MFA ta organisa un anochi informativo encuanto nos sistema electoral na Aruba. Orador invita pa e anochi aki ta sr. Luciano Milliard kende ta docente di ley na Universidad di Aruba specialisa riba ley constitucional.

Durante e anochi informativo aki ta trata historia di nos sistema electoral, entre otro, con el a inicia, di unda el a origina y desde ki tempo el a wordo estableci. Tambe ta bay den detaye di, entre otro, con nos sistema electoral ta hinca den otro, ken mag vota, pa kico nos ta vota, con un partido ta yega na un asiento, kico ta un restzetel, con ta calcula esaki y ki ora un gobierno ta demisionario.

Bureau MFA kier a extende un invitacion cordial na pueblo di Aruba pa atende e anochi informativo aki cu ta tuma luga diamars 5 di september na MFA Noord y diaranson 6 di september na MFA Paradera.

Orario ta di 7.00 pm – 8.30 pm y entrada lo ta completamente gratis. Pa mas informacion por yama 281-0001 of 281-0005.

Mision di Bureau MFA ta pa ofrece diferente servicio sea publico of priva mas efectivo y mas cerca di cas. Tambe ta promove y facilita e participacion y interaccion social y cultural di e ciudadanonan den comunidad sea cu actividadnan educativo, recreativo y social/cultural pa tur edad.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio